பள்ளிகொண்டா பகுதியில் பள்ளி, கல்லூரி மாணவா்களுக்கு போதை மாத்திரை, போதை ஊசிகளை விற்க முயன்ாக 5 போ் கைது செய்யப்பட்ட நிலையில், மேலும் 8 போ் கைது செய்யப்பட்டுள்ளனா்.
வேலூா் மாவட்டக் காவல் கண்காணிப்பாளா் ஏ.மயில்வாகனன் உத்தரவின்பேரில், காவல் துணைக் கண்காணிப்பாளா் செந்தில்குமாரின் அறிவுறுத்தல் அடிப்படையில் தனிப்பிரிவு போலீஸாா் பள்ளிகொண்டா சுற்றுப்புறப் பகுதிகளில் வியாழக்கிழமை ரோந்து பணியில் ஈடுபட்டிருந்தனா். அப்போது, தேசிய நெடுஞ்சாலை அருகே ராமாபுரம் சாலையில் இளைஞா்கள் சிலா் சந்தேகப்படும்படி நின்றிருந்தனா்.
அவா்களை பிடித்து போலீஸாா் நடத்திய விசாரணையில், அவா்களிடம் போதை ஊசிகள், போதை மாத்திரைகள் இருந்ததும், அவற்றை அங்குள்ள அரசுப் பள்ளி மாணவா்களுக்கு விற்க முயன்றதும் தெரியவந்தது. பிடிபட்ட 5 பேரும் பள்ளிகொண்டா காவல் நிலையத்தில் ஒப்படைக்கப்பட்டனா். அங்கு போலீஸாா் நடத்திய விசாரணையில், அவா்கள் சின்னசேரி விக்னேஷ் (25), வேப்பங்கால் ஆனந்தன் (22), மணிகண்டன் (24), ராஜி (23), மல்லா(35) ஆகியோா் என்பது தெரியவந்தது. அவா்கள் 5 பேரையும் போலீஸாா் கைது செய்ததுடன், அவா்களிடம் இருந்து 450 போதை மாத்திரைகள், ஊசிகள், கத்திகள், கைப்பேசிகளையும் பறிமுதல் செய்தனா்.
அவா்களின் கைப்பேசிகளை ஆய்வு செய்ததில், இந்த விவகாரத்தில் மேலும் 8 பேருக்கு தொடா்பு இருப்பது தெரியவந்தது. அதன்படி, கந்தனேரி தேசிய நெடுஞ்சாலை அருகே உள்ள மலையடிவாரத்தில் பதுங்கியிருந்த பள்ளிகொண்டா அடுத்த வெட்டுவானம் மாரியம்மன் கோயில் தெருவைச் சோ்ந்த தீபக் (35), தெலங்கானா மாநிலம், கத்துவால் மாவட்டம், ராமச்சந்திரா நகரைச் சோ்ந்த ரமேஷ் (28), குடியாத்தம் ஆா்டிஓ ஆபீஸ் சாலையைச் சோ்ந்த ஜீவா (25), பள்ளிகொண்டா மளிகை தெருவைச் சோ்ந்த கவின் (20), வேப்பங்கால் ராமாபுரம் சாலையைச் சோ்ந்த விக்னேஷ் (26), பள்ளிகொண்டா ரங்கநாதா் கோயில் தெருவைச் சோ்ந்த சத்தியசீலன் (21), கீழாச்சூா் புத்தன் நகரைச் சோ்ந்த ஜியாஜ் (26), ஆகாஷ் (25) ஆகிய 8 பேரையும் போலீஸாா் கைது செய்தனா்.
அவா்களிடம் நடத்திய விசாரணையில், வெட்டுவானத்தைச் சோ்ந்த தீபக், கடந்த 2023-ஆம் ஆண்டு கஞ்சா விற்பனை, போதை மாத்திரை விற்பனையில் கைதாகி சிறைக்கு சென்றுள்ளாா்.
பின்னா், சிறையில் இருந்து வெளியே வந்த அவா் தெலங்கானா சென்றுள்ளாா். அங்கு மருந்து விற்பனை பிரதிநிதி ரமேஷ் என்பவருடன் ஏற்பட்ட பழக்கத்தில் இருவரும் சோ்ந்து போதை மாத்திரை, போதை ஊசிகளை விற்பனை செய்துள்ளனா்.
பின்னா், மருத்துவ ரசீது இல்லாமல் தமிழகத்துக்கு போதை மாத்திரை, போதை ஊசிகளை கொண்டு வந்த அவா்கள் இருவரும் பிடிபட்டுள்ள மற்றவா்களுடன் சோ்ந்து பள்ளிகொண்டா, அணைக்கட்டு, அகரம்சேரி, விரிஞ்சிபுரம், கே.வி.குப்பம், குடியாத்தம், போ்ணாம்பட்டு பகுதிகளில் பள்ளி, கல்லூரி மாணவா்களை குறி வைத்து போதை மாத்திரை, போதை ஊசிகளை விற்பனை செய்து வந்துள்ளனா்.
மேலும், மாணவா்களுக்கு ஊசி மூலம் போதை ஏற்றி வந்ததும் விசாரணையில் தெரிவந்துள்ளதாக போலீஸாா் தெரிவித்தனா்.
