இளைஞரை கொன்றவருக்கு ஆயுள் சிறை

முன்விரோதத்தில் இளைஞரை கத்தியால் குத்திக் கொலை செய்தவருக்கு ஆயுள் தண்டனை விதித்து வேலூா் மாவட்ட முதன்மை அமா்வு நீதிமன்றம் தீா்ப்பளித்துள்ளது.

வேலூா் மாவட்டம், ஓங்கபாடியைச் சோ்ந்தவா் பாபு. இவரது 3-ஆவது மகன் கெளதம்(23). பட்டதாரியான இவா் வேலை தேடி வந்தாா். இவரது அத்தை மகள் நிரோஷா. அவரது கணவா் காா்த்தி(36).

போதைக்கு அடிமையான காா்த்தி அடிக்கடி நிரோஷாவுடன் தகராறில் ஈடுபட்டு வந்ததாக கூறப்படுகிறது. இதனை கெளதம் தட்டி கேட்டதால் அவா்கள் இருவருக்கும் இடையே முன்விரோதம் இருந்து வந்துள்ளது.

இந்நிலையில், 2024-ஆம் ஆண்டு ஜனவரி 28-ஆம் தேதி போதையில் கத்தியுடன் வந்த காா்த்தி, கெளதம் எங்கே என அவரது வீட்டில் தேடியுள்ளாா். அங்கு அவா் இல்லை என்றதும் கத்தியுடன் வெளியே சென்ற அவா், எதிரே இருசக்கர வாகனத்தில் வந்த கெளதமை மறித்து நெஞ்சு, இடுப்பு பகுதியில் குத்தியுள்ளாா். இதில், கெளதம் சம்பவ இடத்திலேயே உயிரிழந்தாா்.

இச்சம்பவம் குறித்து வேப்பங்குப்பம் போலீஸாா் வழக்குப்பதிவு செய்து காா்த்தியை கைது செய்தனா். இந்த வழக்கு விசாரணை வேலூா் மாவட்ட முதன்மை அமா்வு நீதிமன்றத்தில் நடைபெற்று வந்தது.

இதில், காா்த்தி மீதான குற்றச்சாட்டுகள் உறுதி செய்யப்பட்ட நிலையில், அவருக்கு ஆயுள் சிறை தண்டனையும், ரூ.10 ஆயிரம் அபராதமும் விதித்தும், அபராதம் கட்டத் தவறினால் மேலும் 3 மாதம் சிறை தண்டனை அனுபவிக்க வேண்டும் என்றும் தெரிவித்து மாவட்ட நீதிபதி இளவரசன் தீா்ப்பளித்தாா்.

தண்டனை விதிக்கப்பட்ட காா்த்தி, போலீஸாா் பாதுகாப்புடன் வேலூா் மத்திய சிறைக்கு கொண்டு செல்லப்பட்டாா்.