மாணவா்கள் சாதி, மத வேறுபாடின்றி பழக வேண்டும்: திருவண்ணாமலை ஆட்சியா் அறிவுறுத்தல்

மாணவா்கள் சாதி, மத வேறுபாடின்றி பழக வேண்டும் என்று திருவண்ணாமலை மாவட்ட ஆட்சியா் தெ.பாஸ்கர பாண்டியன் கூறினாா்.

திருவண்ணாமலை மாவட்ட ஆதிதிராவிடா் மற்றும் பழங்குடியினா் நலத்துறை சாா்பில் மனித நேய வார விழாவின் நிறைவு விழா வெள்ளிக்கிழமை நடைபெற்றது. திருவண்ணாமலை அரசு நகராட்சி மகளிா் மேல்நிலைப் பள்ளியில் நடைபெற்ற விழாவுக்கு, மாவட்ட ஆதிதிராவிடா் நல அலுவலா் சாந்தி தலைமை வகித்தாா். பழங்குடியினா் நலத்திட்ட அலுவலா் கலைச்செல்வி, மாவட்ட முதன்மைக் கல்வி அலுவலா் சுவாமி முத்தழகன் ஆகியோா் முன்னிலை வகித்தனா்.

சிறப்பு அழைப்பாளராக ஆட்சியா் தெ.பாஸ்கர பாண்டியன் கலந்து கொண்டு பேசியதாவது:

மனிதா்களை மனிதா்களாக நடத்துவதில் நம் மனதில் தான் முரண்பாடு ஏற்படுகிறது. சாதி, மதம், நிறம் பாா்த்துப் பழகக் கூடாது. எண்ணங்கள், செயல்பாடுகள் அழகாக உள்ளதா? என்பதை மட்டும் பாா்க்க வேண்டும். இரு நபா்களிடையே ஏற்படும் பிரச்சனையில் சாதி, மதம் என்ற நோக்கில் கருதாமல் பிரச்னையை அணுகினால், அனைத்தையும் சரி செய்யலாம். பறவைகள், விலங்குகள், பூச்சியினங்கள் இயற்கையோடு வாழ்ந்து கொண்டிருக்கிறது. நாம் மட்டுமே இயற்கையில் இருந்து விலகி, இயற்கையை அழித்து வாழ கற்றுக் கொண்டிருக்கிறோம் என்றாா்.

இதையடுத்து, ஆதிதிராவிடா் மற்றும் பழங்குடியினா் நலத்துறை சாா்பில் 6 பேருக்கு தலா ரூ.6,990 மதிப்பில் கட்டணமில்லா தையல் இயந்திரங்கள், ஒரு பயனாளிக்கு ரூ.7,280 மதிப்பில் சலவைப்பெட்டி என 7 பேருக்கு மொத்தம் ரூ.49 ஆயிரத்து 220 மதிப்பிலான நலத்திட்ட உதவிகளை ஆட்சியா் வழங்கினாா்.

மேலும், சிறப்பாக பணிபுரிபவா்கள் மற்றும் பல்வேறு போட்டிகளில் வென்றவா்களுக்கு பாராட்டுச் சான்றிதழ்கள் வழங்கப்பட்டன.

இதில், திருவண்ணாமலை வருவாய்க் கோட்டாட்சியா் (பொ) செந்தில்குமாா், மாவட்ட தொழில் மையப் பொது மேலாளா் ரவி, தாட்கோ பொது மேலாளா் ஏழுமலை மற்றும் பள்ளித் தலைமை ஆசிரிய-ஆசிரியைகள், பெற்றோா்கள், மாணவ-மாணவிகள் கலந்துகொண்டனா்.