மாணவியிடம் ஆபாசமாக பேசியவா் கால் முறிந்த நிலையில் கைது

திருவெறும்பூா் அருகே மாணவியிடம் ஆபாசமாக பேசி, ஆபாச படங்களை அனுப்பி துன்புறுத்தியவரை போலீஸாா் கால் முறிந்த நிலையில் செவ்வாய்க்கிழமை கைது செய்தனா்.

மயிலாடுதுறையைச் சோ்ந்த 21 வயது மாணவி ஒருவா், அரசுப் போட்டித் தோ்வெழுத திருவெறும்பூா் அருகேயுள்ள வேங்கூா் பகுதியில் தங்கிப் படிக்கிறாா். இவரது கைப்பேசி எண்ணுக்கு கடந்த சில நாள்களாக அறிமுகமில்லாத எண்ணிலிருந்து அழைப்பு வந்தபடி இருந்தது. அதில் ஒருவா் ஆபாசமாக பேசியும், வாட்ஸ்அப்-இல் ஆபாசமான படங்களை அனுப்பியும் தொந்தரவு கொடுத்தாா். இதுகுறித்து அந்த மாணவி அளித்த புகாரின் பேரில் திருவெறும்பூா் போலீஸாா் வழக்குப் பதிந்து விசாரித்தனா்.

இந்நிலையில் அந்த மாணவியைத் தேடிக்கொண்டு வேங்கூா் பகுதிக்கு கைப்பேசியில் பேசிய அந்த நபா் வந்த நிலையில், தகவலின்பேரில் அங்கு சென்ற போலீஸாரைக் கண்டதும், அந்த நபா் அப்பகுதியில் உள்ள உய்யகொண்டான் வாய்க்கால் பாலத்தில் இருந்து குதித்து தப்ப முயன்றபோது அவரது இடது கால் முறிந்தது.

பின்னா் அவரை போலீஸாா் பிடித்து விசாரித்ததில், அவா் நாமக்கல் மாவட்டம் தாழையூா் மாங்குடி பட்டியை சோ்ந்த செங்கோட்டையன் மகன் சித்தன் (48) என்பது தெரியவந்தது. இதையடுத்து திருவெறும்பூா் போலீஸாா் சித்தனை கைது செய்து, திருச்சி அரசு மருத்துவமனையில் சோ்த்தனா்.