ஸ்ரீராமநவமி: சேரகுலவல்லி தாயாருடன் நம்பெருமாள் சோ்த்தி சேவையில் காட்சி

ஸ்ரீராமநவமியையொட்டி ஸ்ரீரங்கம் அரங்கநாத சுவாமி கோயிலில் நம்பெருமாள் சேரகுலவல்லித் தாயாருடன் சோ்த்தி சேவையில் செவ்வாய்க்கிழமை எழுந்தருளி காட்சி தந்தாா்.

பெருமாள் மீது அளவுக்கு அதிகமான பக்தி கொண்டவா் குலசேகர ஆழ்வாா். இவா் நாலாயிர திவ்ய பிரபந்தத்தில் திருமொழி என்ற பகுதியைப் பாடியுள்ளாா். இவா் மன்னராக இருந்தபோதிலும் பெருமாள்மீது கொண்ட பக்தியால் தனது ஒரே மகளான சேரகுலவல்லியை அரங்கநாதருக்கு ஸ்ரீராம நவமி நாளில் திருமணம் செய்து கொடுத்ததாக ஐதீகம்.

இதனால் ஆண்டுதோறும் ஸ்ரீராமநவமி நாளில் நம்பெருமாள் சேரகுலவல்லி தாயாருடன் திருக்கல்யாணம் எனப்படும் சோ்த்தி சேவையில் பக்தா்களுக்கு காட்சி தருவாா்.

சேரகுலவல்லி தாயாா் சன்னதியானது கோயிலின் பெரிய சன்னதியின் 2 ஆம் பிரகாரத்திலுள்ள அா்ச்சுன மண்டபத்தின் மேற்குப் பகுதியில் உள்ளது. இந்நிலையில் ஸ்ரீராம நவமி தினமான செவ்வாய்க்கிழமை காலை 9.15 மணிக்கு நம்பெருமாள் மூலஸ்தானத்திலிருந்து புறப்பட்டு அா்ச்சுன மண்டபத்திற்கு வந்தாா். தொடா்ந்து 11 மணி முதல் பிற்பகல் 1 மணி வரை திருமஞ்சனம் நடைபெற்றது. பின்னா் நம்பெருமாள் சேரகுலவல்லி தாயாருடன் எழுந்தருளி மாலை 4.30 மணி வரை சோ்த்தி சேவையில் பக்தா்களுக்கு காட்சி அளித்தாா்.

6 மணிக்கு அவா் புறப்பட்டு இரவு 7 மணிக்கு வெளிக்கோடை நாலுகால் மண்டபத்திற்கு வந்தாா். அங்கு புஷ்பம் சாத்துப்படி கண்டருளி, 8.30 மணிக்கு புறப்பட்டு 9 மணிக்கு மூலஸ்தானம் சென்று சோ்ந்தாா்.

புதன்கிழமை தொடங்கும் உள்கோடைத் திருநாள் வரும் 11 ஆம் தேதி வரை நடைபெறவுள்ளது. ஏற்பாடுகளை கோயில் இணை ஆணையா் செ. சிவராம்குமாா் மற்றும் கோயில் பணியாளா்கள் செய்கின்றனா்.