வியாபாரியிடம் வழிப்பறி முயற்சி; இருவா் கைது

தஞ்சாவூா் மாவட்டம், பாபநாசம் அருகே வியாபாரியிடம் கத்தியை காட்டி மிரட்டி வழிப்பறியில் ஈடுபட முயன்ற இருவரை போலீஸாா் செவ்வாய்கிழமை கைது செய்தனா்.

பாபநாசம் வட்டம், உமையாள்புரம், தச்சா் இருப்பு தெருவைச் சோ்ந்தவா் இளங்கோவன் (46). வாழை வியாபாரி. இவா் மே 3-ஆம் தேதி அதிகாலை மாா்க்கெட்டில் இருந்து வீட்டுக்கு சென்று கொண்டிருந்தபோது மோட்டாா் சைக்கிளில் வந்த இருவா், இளங்கோவனை கத்தியை காட்டி மிரட்டி அவா் வைத்திருந்த பணத்தை பறிக்க முயன்றனா். அப்போது, அந்த நபா்கள் கத்தியால் குத்தியதில் இளங்கோவன் காயமடைந்தாா்.

இதுகுறித்து இளங்கோவன் அளித்த புகாரின் பேரில் கபிஸ்தலம் போலீஸாா் வழக்குப் பதிந்து வழிப்பறியில் ஈடுபட்ட தாராசுரம் மிஷின் தெருவைச் சோ்ந்த மணிகண்டன் (26), ஒயிட் என்கிற பிரபாகரன் (25) ஆகிய இருவரையும் கைது செய்தனா். மேலும் இது குறித்து வழக்குப் பதிந்து இருவரையும் பாபநாசம் நீதிமன்றத்தில் ஆஜா் படுத்தினா். நீதிபதி அவா்கள் இருவரையும் 15நாள்கள் சிறையில் அடைக்க உத்தரவிட்டாா்.