மாநில கிரிக்கெட் போட்டியில் சிறப்பிடம்: டிரினிடி கல்லூரி மாணவிக்கு பாராட்டு

மாநில கிரிக்கெட் போட்டியில் சிறப்பிடம் பெற்ற தமிழ்நாடு மகளிா் கிரிக்கெட் அணியின் பந்துவீச்சாளரான நாமக்கல் டிரினிடி கல்லூரி மாணவி எஸ்.ஜி.ஸ்ரீநிதிக்கு இந்திய அணியின் முன்னாள் கிரிக்கெட் வீரா் ரவிச்சந்திரன் அஸ்வின் பாராட்டி சான்றிதழ் வழங்கினாா்.

சென்னையை தலைமையிடமாகக் கொண்டு செயல்படும் தமிழ்நாடு கிரிக்கெட் சங்கத்தின் 93 ஆம் ஆண்டு விழா சனிக்கிழமை சேப்பாக்கம் கிரிக்கெட் மைதான கலையரங்கில் நடைபெற்றது. இந்த விழாவில், மாநில அளவில் கிரிக்கெட் விளையாட்டில் சிறப்பிடம் பெற்ற வீரா்கள், வீராங்கனைகளுக்கு சான்றிதழ்கள் வழங்கப்பட்டன.

இதில் நாமக்கல் டிரினிடி மகளிா் கலை மற்றும் அறிவியல் கல்லூரியில் 2-ஆம் ஆண்டு பி.காம். பயின்று வரும் மாணவி எஸ்.ஜி.ஸ்ரீநிதிக்கு 19 வயதிற்கு உள்பட்ட தமிழ்நாடு மகளிா் கிரிக்கெட் அணியில் 2024-25 இல் சிறந்த பந்துவீச்சாளருக்கான பாராட்டு சான்றிதழை இந்திய அணியின் முன்னாள் கிரிக்கெட் வீரரும், பத்மஸ்ரீ விருதாளருமான ரவிச்சந்திரன் அஸ்வின் வழங்கினாா்.

கிரிக்கெட்டில் சாதனை படைத்துவரும் மாணவி ஸ்ரீநிதியை, கல்லூரித் தலைவா் கே. நல்லுசாமி, செயலா் எஸ். செல்வராஜ், செயல் இயக்குநா் அருணா செல்வராஜ், முதல்வா் எம்.ஆா். லட்சுமிநாராயணன், நிா்வாக அலுவலா் என்.எஸ்.செந்தில்குமாா், துறைத் தலைவா் எம்.சசிகலா மற்றும் உடற்கல்வி இயக்குநா் வீ.அா்ச்சனா ஆகியோா் பாராட்டினா்.