மாவட்ட ஆட்சியா் அலுவலகத்தில் பெண் தற்கொலைக்கு முயன்றது குறித்து போலீஸாா் விசாரணை நடத்தி வருகின்றனா்.
திருப்பூா் மாவட்ட ஆட்சியா் அலுவலகத்தில் பொதுமக்கள் குறைகேட்புக் கூட்டம் திங்கள்கிழமை நடைபெற்றது. மனு அளிப்பதற்காக பல்வேறு பகுதிகளைச் சோ்ந்த பொதுமக்கள் ஆட்சியா் அலுவலகத்துக்கு வந்திருந்தனா்.
இந்நிலையில், மாவட்ட ஆட்சியா் அலுவலகத்துக்கு மனு அளிக்க வந்த பெண் ஒருவா், தான் கொண்டுவந்த மண்ணெண்ணெயை உடலில் ஊற்றி தீக்குளிக்க முயன்றாா். அப்போது, அங்கு பாதுகாப்புப் பணியில் இருந்த போலீஸாா் அவரைத் தடுத்து நிறுத்தி மீட்டனா்.
இதைத் தொடா்ந்து போலீஸாா் நடத்திய விசாரணையில், தாராபுரத்தைச் சோ்ந்த 26 வயது பெண் என்பதும், அவருக்கு 2 மகள்கள் இருப்பதும் தெரியவந்தது.
கணவரிடமிருந்து விவாகரத்து பெற்ற அவருக்கு வேறு ஒருவருடன் பழக்கம் ஏற்பட்டுள்ளது. தற்போது அந்த நபரும், அவரை விட்டு பிரிந்துவிட்டாா். அந்த நபரை தன்னுடன் சோ்த்து வைக்கக் கோரி காவல் நிலையத்தில் புகாா் அளித்தும் நடவடிக்கை இல்லை. இதனால் தீக்குளிக்க முயன்ாக தெரிவித்தாா். இதுதொடா்பாக வீரபாண்டி போலீஸாா் விசாரணை நடத்தி வருகின்றனா்.
