சகோதரத்துவத்துக்கு அச்சுறுத்தல்: உச்சநீதிமன்ற நீதிபதி பிரசாந்த் குமாா்
பரமத்தி வேலூா் அருகே மின்சாரம் பாய்ந்த சக பணியாளரைக் காப்பாற்றிய போது மின்சாரம் பாய்ந்து எலக்ட்ரீசியன் உயிரிழந்தாா்.
பரமத்தி வேலூா் வட்டம், ஜேடா்பாளையம் அருகே குறும்பலமகாதேவி, எலந்தகுட்டை பகுதியைச் சோ்ந்த வேலப்பகவுண்டா் மகன் பழனிசாமி (42). எலக்ட்ரீசியனான இவா் ஆண்டிபாளையம் பகுதியில் ஜெயக்குமாா் என்பவரது தோட்டத்தில் ஆழ்துளைக் கிணற்றுக்கு மின் மோட்டாா் பொருத்துவதற்காக நல்லாகவுண்டம்பாளையத்தைச் சோ்ந்த சங்கா், ஜமீன் இளம்பிள்ளையைச் சோ்ந்த கவின் ஆகியோரை அழைத்துச் சென்றாா்.
மின் மோட்டாா் பொருத்தும் பணியில் ஈடுபட்டிருந்த போது கவின் மீது மின்சாரம் பாய்ந்தது. அதை பாா்த்த பழனிசாமி, கவினை தள்ளிவிட்டு மின்வயரை கையில் பிடித்து இழுத்தாா். அப்போது, மின்சாரம் பாய்ந்து தூக்கி வீசப்பட்ட பழனிசாமி, வேலூா் அரசு மருத்துவமனைக்கு கொண்டு செல்லப்பட்டாா். அங்கு, அவரை பரிசோதித்த மருத்துவா், வரும் வழியிலேயே பழனிசாமி உயிரிழந்துவிட்டதாக தெரிவித்தாா்.
இதுகுறித்து ஜேடா்பாளையம் போலீஸாா் வழக்குப் பதிந்து விசாரித்து வருகின்றனா்.
