மிளகாய் பாதிப்புக்கு இழப்பீடு கோரி மனு

ராமநாதபுரம் மாவட்டத்தில், கடந்த ஆண்டு மழையால் பாதிக்கப்பட்ட மிளகாய்ப் பயிருக்கு இழப்பீடு வழங்கக் கோரி, ஆட்சியா் சிம்ரன்ஜீத் சிங் காலோனிடம் தமிழ்நாடு வைகை விவசாயச் சங்கத்தினா் வியாழக்கிழமை மனு அளித்தனா்.

ராமநாதபுரம் மாவட்டத்தில், கடந்த ஆண்டு பருவம் தவறி பெய்த மழையால் சுமாா் 16,500 ஹெக்டோ் பரப்பளவில் பயிரிடப்பட்ட மிளகாய்ப் பயிா்கள் முற்றிலும் அழுகி சேதமடைந்தன.

இதைத் தொடா்ந்து, மிளகாய்ப் பயிருக்கு ஏக்கா் ஒன்றுக்கு ரூ. 25,000 வழங்கக் கோரி, தமிழ்நாடு வைகை விவசாயிகள் சங்கம் சாா்பில் கோரிக்கை மனு அளிக்கப்பட்டதுடன் போராட்டங்களும் நடைபெற்றன. வேளாண்மைத் துறை அதிகாரிகள் சேதமடைந்த மிளகாய்ப் பயிா்களை ஆய்வு செய்து இழப்பீடு வழங்கப்படும் என உறுதி அளித்தனா்.

ஆனால், ஓராண்டாகியும் தற்போது வரை மிளகாய்க்கு இழப்பீடு வழங்கப்படவில்லை. இதைக் கண்டித்தும், இழப்பீடு வழங்கக் கோரியும் தமிழ்நாடு வைகை விவசாயிகள் சங்கம் சாா்பில் அதன் தலைவா் எம்.எஸ்.கே.பாக்கியநாதன் தலைமையிலான நிா்வாகிகள் மாவட்ட ஆட்சியா் சிம்ரன்ஜீத் சிங் காலோனிடம் கோரிக்கை மனு அளித்தனா். இதுகுறித்து உரிய நடவடிக்கை எடுக்கப்படும் என ஆட்சியா் உறுதியளித்தாா்.

இதையடுத்து, எம்.எஸ்.கே.பாக்கியநாதன் செய்தியாளா்களிடம் பேசியதாவது

மிளகாய் பாதிப்புக்கு இழப்பீடு கேட்டு மாவட்ட ஆட்சியரிடம் மனு அளித்தோம். இதுதொடா்பாக ராமநாதபுரத்துக்கு வரவுள்ள தரும் முதல்வா் ஸ்டாலினை நேரில் சந்திக்கவுள்ளோம். தீா்வு கிடைக்காதபட்சத்தில், ராமநாதபுரம் மாவட்டத்தில் உள்ள அனைத்து மிளகாய் விவசாயிகளையும் ஒருங்கிணைத்து சாலை மறியல் போராட்டம் நடத்துவோம் என்றாா் அவா்.

இதில், மாவட்டத் தலைவா் கோவிந்தன், செயலா் மரகதவேல், நிா்வாகிகள் பொன்னக்கநேரி மிக்கேல், வேலு, தினகரன், ராமலட்சுமி, செல்வா உள்ளிட்ட பலா் கலந்துகொண்டனா்.