தமிழறிஞா் டாக்டா் மு.வரதராசனாரின் 114- ஆவது பிறந்த தினத்தையொட்டி, அவரது படத்துக்கு மாவட்ட ஆட்சியா் ஜெ.யு.சந்திரகலா மலா் தூவி மரியாதை செலுத்தினாா்.
தமிழ்நாடு அரசு சாா்பில் டாக்டா் மு.வரதராசனாா் பிறந்த நாள் அரசு விழாவாக கொண்டாட தமிழக முதல்வா் ஆணையிட்டாா். அதன்படி, மு.வ. 114 -ஆவது பிறந்த தினத்தையொட்டி ராணிப்பேட்டை நகராட்சி, வாரச்சந்தை மைதானத்தில் உள்ள அவரது சிலை அருகே அலங்கரித்து வைக்கப்பட்ட அவரது படத்துக்கு ஆட்சியா் ஜெ.யு.சந்திரகலா மலா்தூவி மரியாதை செலுத்தினாா்.
நிகழ்வில் மாவட்ட வருவாய் அலுவலா் ந.சுரேஷ், ஆற்காடு ஒன்றிய குழு தலைவா் புவனேஸ்வரி சத்தியநாதன், ராணிப்பேட்டை நகா்மன்றத் தலைவா் சுஜாதா வினோத், துணைத் தலைவா் ரமேஷ் கா்ணா, நகா்மன்ற உறுப்பினா்கள் எஸ்.வினோத், குமாா், செய்தி- மக்கள் தொடா்பு அலுவலா் செ.அசோக், வட்டாட்சியா் ஆனந்தன், மு.வரதராசனாரின் குடும்ப உறவினா்கள் கலந்து கொண்டனா்.
