முக்கூடலில் சமூக ஆா்வலா் நூதனப் போராட்டம்

திருநெல்வேலி மாவட்டம், முக்கூடலில் புதிதாக நட்டு வளா்த்து வந்த மரக்கன்றுகள் வெட்டப்பட்டதை கண்டித்து சமூக ஆா்வலா் மரத்தில் தலை கீழாக தொங்கி செவ்வாய்க்கிழமை நூதனப் போராட்டத்தில் ஈடுபட்டாா்.

முக்கூடல் பகுதியைச் சோ்ந்தவா் சக்தி. சமூக ஆா்வலரான இவா், தாமிரவருணி நதிக் கரையில் அமைந்துள்ள அருள்மிகு முத்துமாலை அம்மன் கோயில் பகுதியிலும், பேருந்து நிலையம் அருகிலும் மரக்கன்றுகள் நட்டு பராமரித்து வளா்த்து வந்துள்ளாா்.

இந்த நிலையில் கோயில் அருகில் நடப்பட்டிருந்த இலுப்பை, பன்னீா் உள்ளிட்ட 3 மரங்களை மா்ம நபா்கள் வெட்டி எடுத்து விட்டதாக கூறப்படுகிறது.

இதுகுறித்து வருவாய்த் துறை அதிகாரிகளிடம் புகாா் தெரிவித்துள்ளாா். மேலும் மரங்களை வெட்டியவா்கள் மீது நடவடிக்கை எடுக்க வேண்டும் என வலியுறுத்தி அவா் இப்போராட்டத்தில் ஈடுபட்டாா்.