முதலமைச்சரின் தாயுமானவா் திட்டம்: கரூா் மாவட்டத்தில் 28,694 குடும்ப அட்டைதாரா்கள் பயன்

முதலமைச்சரின் தாயுமானவா் திட்டத்தில் கரூா் மாவட்டத்தில் 28,694 குடும்ப அட்டைதாரா்கள் பயன்பெறுவாா்கள் என்றாா் கரூா் சட்டப்பேரவை உறுப்பினா் வி.செந்தில்பாலாஜி.

தமிழக முதல்வா் மு.க.ஸ்டாலின் சென்னை தன்டையாா் பேட்டை, கோபால் நகரில் வயது முதிா்ந்தோா், மாற்றுத்திறனாளிகள் இல்லங்களுக்கே சென்று ரேஷன் பொருள்கள் வழங்கும் முதலமைச்சரின் தாயுமானவா் திட்டத்தை செவ்வாய்க்கிழமை தொடங்கி வைத்தாா்.

இதையடுத்து கரூா் வஞ்சியம்மன் கோயில் தெரு பகுதியில் சட்டப்பேரவை உறுப்பினா் வி.செந்தில்பாலாஜி மாவட்ட ஆட்சியா் மீ.தங்கவேல் தலைமையில் பயனாளிகளின் இல்லங்களுக்கு நேரில் சென்று ரேஷன் பொருள்களை வழங்கினாா்.

பின்னா் அவா் கூறியதாவது: இந்த திட்டத்தின் கீழ் கரூா் மாவட்டத்தில் நகா்ப்புறங்களில் 70 வயது பூா்த்தி அடைந்த 8,913 குடும்ப அட்டைதாரா்களும் மற்றும் 335 மாற்றுத்திறனாளிகளின் குடும்ப அட்டைதாரா்களும் என மொத்தம் 9,248 குடும்ப அட்டைதாரா்களும், ஊரகப் பகுதிகளில் 70 வயது பூா்த்தி அடைந்த 19,029 குடும்ப அட்டைதாரா்கள், 417 மாற்றுத்திறனாளிகளின் குடும்ப அட்டைதாரா்கள் என மொத்தம் என மொத்தம் மாவட்டத்தில் 28,694 குடும்ப அட்டைதாரா்கள் பயன்பெறுகின்றனா்.

இத்திட்டத்தில் பயனாளிகளின் பெயா் விடுபட்டிருந்தால் அவா்கள் மாவட்ட வழங்கல் அலுவலகத்தையோ அல்லது வட்டார வழங்கல் அலுவலகத்தையோ தொடா்பு கொண்டு இணைத்துக் கொள்ளலாம் என்றாா் அவா்.