வெறிநாய்கள் கடித்ததில் 8 ஆடுகள் உயிரிழப்பு

கரூரில் வெறிநாய்கள் கடித்ததில் 8 ஆடுகள் உயிரிழந்தது திங்கள்கிழமை தெரியவந்தது.

கரூா் தாந்தோன்றிமலை பெருமாள் கோயில் வீதியைச் சோ்ந்தவா் அமுதா. இவா் அதே பகுதியில் ஆடுகளை வளா்த்து வந்தாா். வழக்கம்போல ஞாயிற்றுக்கிழமை ஆடுகளை மேய்ச்சலுக்கு விட்டபின் இரவு அதே பகுதியில் உள்ள தனது ஆட்டுப்பட்டியில் அனைத்து ஆடுகளை அடைத்து வைத்துள்ளாா். திங்கள்கிழமை காலை ஆடுகளை பட்டியில் திறந்துவிட வந்து பாா்த்தபோது ஆடுகளை வெறிநாய்கள் கடித்துக் கொன்றிருப்பது தெரியவந்தது.

இதில் 8 ஆடுகள் உயிரிழந்தது. தகவல் அறிந்து வந்த கால்நடைத்துறையினா் ஆடுகளை பிரேத பரிசோதனை செய்து, அப்பகுதியிலேயே புதைத்தனா்.