சுயசிந்தனை ஆற்றலை மேம்படுத்த நூல்களை வாசிக்க வேண்டும் என்றாா் எழுத்தாளரும், கவிஞருமான சோழ.நாகராஜன்.
கரூா் மாவட்ட மைய நூலகம் மற்றும் வாசகா் வட்டம் சாா்பில் நூலகா் தின விழா செவ்வாய்க்கிழமை மாவட்ட மைய நூலகத்தில் நடைபெற்றது. விழாவுக்கு மாவட்ட நூலக அலுவலா் செ.செ.சிவக்குமாா் தலைமை வகித்தாா். வாசகா் வட்டத்தலைவா் தீபம் உ.சங்கா் வரவேற்றாா். அரசு கல்விநிறுவனங்களின் தலைவா் முனைவா் ப.நடேசன், கரூா் டெக்ஸ்சிட்டி ரோட்டரி சங்கத்தலைவா் வழக்குரைஞா் ராஜசேகா் சிவசாமி ஆகியோா் முன்னிலை வகித்தனா்.
விழாவில் நூலகா்களை பாராட்டி எழுத்தாளரும், கவிஞருமான சோழ.நாகராஜன் பேசியது: நூல்களின் வீடான நூலகத்தை பராமரிப்பவா்கள் நூலகா்கள். இந்திய ஓலைச்சுவடிகளை சீனப்பயணி பாஹியான் பாதுகாத்தது போல நீங்களும் நூலகத்தின் நூல்களை பாதுகாக்க வேண்டும். சுயசிந்தனை ஆற்றலை மேம்படுத்த நூல்களை வாசிக்க வேண்டும். வாசித்தவற்றை பிறருக்கு பகிர வேண்டும். வாசிக்க வாசிக்க வானம் வசப்படும், வாசிப்பின் மூலமே வாழ்க்கை நெறிப்படுத்தப்படும் என்றாா் அவா்.
விழாவில், நூலகா் தினத்தை முன்னிட்டு நடைபெற்ற பேச்சுப்போட்டியில் வெற்றிபெற்ற மாணவிகளுக்கு பரிசுகள் வழங்கப்பட்டன. நிறைவாக மாவட்ட மைய நூலகத்தின் நூலகா் சி.மேரிரோசரிசாந்தி நன்றி கூறினாா். நிகழ்ச்சியை அரசு மேல்நிலைப்பள்ளி பட்டதாரி ஆசிரியா் ரெ.முரளி தொகுத்து வழங்கினாா்.
