போடியில் சிறுமிக்கு பாலியல் தொல்லை கொடுத்ததாகக் கூறப்பட்ட விவகாரத்தில், முதியவரைத் தாக்கிக் கொலை மிரட்டல் விடுத்ததாக 4 போ் மீது வழக்குப் பதிவு செய்த போலீஸாா், ஒருவரைக் கைது செய்தனா்.
தேனி மாவட்டம், போடியைச் சோ்ந்த தனிக்கொடியின் (65) மகள் லதா, போடி நகா் காவல் நிலைய போலீஸாரிடம் அளித்த புகாா் விவரம்: எங்கள் வீட்டின் அருகில் 8 வயது சிறுமி சாலையில் விளையாடினாா். அப்போது, சிறுமியிடம் ஓரமாக விளையாட வேண்டும் என தந்தை கூறினாா். இந்த நிலையில், தனிக்கொடி தன்னைத் தாக்கியதாக சிறுமி, தனது தாயிடம் கூறியுள்ளாா்.
இதையடுத்து, சிறுமியின் தந்தை பாண்டி, தாய் திருமேனி, பாட்டி போதுமணி, உறவினா் தமிழரசன் ஆகியோா் வீட்டில் தூங்கிக் கொண்டிருந்த தனிக்கொடியை மம்பட்டியால் காலில் தாக்கி, கொலை மிரட்டல் விடுத்தனா்.
பலத்த காயமடைந்த தனிக்கொடி தேனி க.விலக்கு அரசு மருத்துவக் கல்லூரி மருத்துவமனையில் அனுமதிக்கப்பட்டாா். இதுகுறித்து நடவடிக்கை எடுக்க வேண்டும் என புகாரில் தெரிவித்தாா்.
இதன் பேரில், போடி நகா் காவல் நிலைய போலீஸாா் பாண்டி உள்பட 4 போ் மீது வழக்குப் பதிந்து, உறவினா் தமிழரசனைக் கைது செய்தனா். மற்றவா்களைத் தேடி வருகின்றனா்.
