தேனி மாவட்டம், குச்சனூா் சனீஸ்வரா் பகவான் கோயிலில் 2 -ஆம் ஆண்டாக ஆடித் திருவிழா ரத்து செய்யப்படுகிறது.
திருவிழாவின் போது நடைபெறும் வழக்கமாக பூஜைகள் நடைபெறும் என அறிவிக்கப்பட்டது. இந்தக் கோயிலில் ஆடித் திருவிழா 5 வாரங்கள் வெகு விமா்சையாக நடைபெறும். கோயில் மண்டபத்தில் சுத்த நீா் தெளித்து, கோயில் கொடிமரத்தில் கொடியேற்றத்துடன் முதல் நாள் திருவிழா தொடங்கும்.
தொடா்ந்து, சனீஸ்வரா் -நீலா தேவி திருக்கல்யாணம், சுவாமி வீதி உலா, சக்தி கரகம் எடுத்தல், கருப்பணசாமிக்கு மதுபானம் படையல், பக்தா்களுக்கு கறி விருந்து என 5 வாரங்கள் திருவிழா நடைபெறும்.
இந்தக் கோயிலை பரம்பரை அறங்காவலா் குழுவினா் நிா்வகித்து வந்தனா். இந்தக் குழுவினருக்கிடையே ஏற்பட்ட பிரச்னை காரணமாக, கோயில் நிா்வாகம் கடந்த 2011- ஆம் ஆண்டு இந்து சமய அறநிலைத் துறை நிா்வாகத்தின் கீழ் வந்தது.
கோயில் நிா்வாகத்தை மீண்டும் அறங்காவலா் குழுவிடம் ஒப்படைக்க வலிறுத்தியும், கோயில் நிா்வாகம் சாா்பில் திருவிழா நடத்தக் கூடாது எனக் கோரியும் சென்னை உயா்நீதிமன்ற மதுரைக் கிளையில் வழக்கு நடைபெற்று வருகிறது. இதன் காரணமாக கடந்தாண்டு ஆடித் திருவிழா ரத்து செய்யப்பட்டது. இதே போல, இந்த ஆண்டும் ஆடித் திருவிழா ரத்து செய்யப்படுவதாக கோயில் நிா்வாகம் சாா்பில் தெரிவிக்கப்பட்டது.
பக்தா்கள் சுவாமி தரிசனம் செய்யலாம்: கோயில் வளாகத்தில் திருவிழாவுக்கான கொடியேற்றம் நடைபெறாது. ஆனால், கடந்த காலங்களில் ஆடித் திருவிழாவின் போது நடைபெற்ற பூஜைகள் நடைபெறும். பக்தா்கள் சுவாமி தரிசனம் செய்யலாம் என கோயில் நிா்வாகம் சாா்பில் தெரிவிக்கப்பட்டது.
