முத்துப்பேட்டையில் நீா்வாழ் பறவைகள் கணக்கெடுக்கும் பணி

முத்துப்பேட்டை, உதயமாா்த்தாண்டபுரம் வனச் சரணாலயங்களில் சனிக்கிழமை மற்றும் ஞாயிற்றுக்கிழமை நீா்வாழ் பறவைகள் கணக்கெடுக்கும் பணி நடைபெற்றது.

மாவட்ட வன அலுவலா் ஸ்ரீகாந்த் உத்தரவுபடி முத்துப்பேட்டை வன சரகத்துக்குள்பட்ட அலையாத்திக்காடு உதயமாா்த்தாண்டபுரம் மற்றும் சுற்றியுள்ள நீா் நிலைகள் 10 இடங்கள் தோ்வு செய்து இந்த கணக்கெடுப்பு பணி நடைபெற்றது. இதில், பறவைகள் ஆராய்ச்சியாளா் பாலச்சந்திரன், ஏபிசி கல்லூரி பேராசிரியா்கள் கிருஷ்ணப்பன், மூா்த்தி, பூம்புகாா் அரசு கலைக் கல்லூரி பேராசிரியா்கள் மற்றும் மாணவா்கள், தன்னாா்வலா்கள், வனச்சரக அலுவலா் சரவணகுமாா், வனவா் சீனிவாசன் உள்ளிட்டோா் பணியில் ஈடுபட்டனா். கணக்கெடுப்பின் முடிவில் 50,000-க்கும் மேற்பட்ட நீா்ப் பறவைகள் கணக்கிடப்பட்டுள்ளதாக தெரிவித்தனா்.