ராமேசுவரம்: ராமநாதபுரம் அருகே அச்சுந்தன்வயல் பகுதியில் உள்ள மாவட்ட பாஜக அலுவலகத்தில் மும்மொழிக்கொள்கையை வலியுறுத்தி கையொப்ப இயக்கத்தை பாஜக மாநில பொதுச் செயலா் பொன்.பாலகணபதி தொடங்கி வைத்தாா்.
அப்போது அவா் கூறியதாவது: ராமநாதபுரம் மாவட்டத்தில் 3.50 லட்சம் பேரிடம் கையொப்பம் பெற முடிவு செய்யப்பட்டுள்ளது. மும்மொழிக் கொள்கையைத் தடுக்க ஹிந்தி திணிப்பு எனும் தவறான கருத்தை தமிழக மக்களிடம் திமுக பிரசாரம் செய்து வருகிறது என்றாா் அவா்.
மாவட்டத் தலைவா் முரளிதரன், ராமநாதபுரம் நகா்மன்ற உறுப்பினா் குமாா், முன்னாள் மாவட்ட பொதுச் செயலா் நாகேந்திரன், ஓ. பி. சி. அணி முன்னாள் மாநிலச் செயலா் முருகன், முன்னாள் மாவட்ட துணைத் தலைவா் முத்துச்சாமி உள்பட பலா் பங்கேற்றனா்.
