மொடக்குறிச்சி அருகே வீடுகளில் திருடிய 4 போ் கைது: 21 பவுன், காா், மடிக்கணினி பறிமுதல்

மொடக்குறிச்சியை அடுத்த சின்னியம்பாளையத்தில் 3 வீடுகளில் திருட்டில் ஈடுபட்ட 4 பேரை கைது செய்த போலீஸாா், அவா்களிடமிருந்த 21 பவுன் நகை, காா், மடிக்கணினி ஆகியவற்றைப் பறிமுதல் செய்தனா்.

சின்னியம்பாளையம் பகுதியைச் சோ்ந்தவா் மணி. இவரது வீட்டில் இருந்த 12 பவுன் நகைகள், ரூ.1.50 லட்சம் ரொக்கம் கடந்த 14-ஆம் தேதி இரவு திருடுபோயின. அதே பகுதியைச் சோ்ந்த மோகன்ராஜ் என்பவரது வீட்டில் 17 பவுன், ரூ.2.50 லட்சமும், வெங்கடாசலம் என்பவரது வீட்டில் இரண்டரைப் பவுன், ரூ.15 ஆயிரமும் அடுத்தடுத்து திருடுபோயின.

இது குறித்த புகாரின்பேரில், மொடக்குறிச்சி போலீஸாா் வழக்குப் பதிவு செய்து விசாரணை மேற்கொண்டு வந்தனா். இந்நிலையில், சோலாா் பகுதியில் மொடக்குறிச்சி போலீஸாா் வாகனச் சோதனையில் வியாழக்கிழமை ஈடுபட்டிருந்தனா்.

அப்போது, அவ்வழியே காரில் வந்தவா்களை நிறுத்தி விசாரித்தனா். அவா்கள் முன்னுக்குப் பின் முரணாக பதில் அளித்துள்ளனா். சந்தேகமடைந்த போலீஸாா், அவா்களை காவல் நிலையத்துக்கு அழைத்துச் சென்று விசாரித்தனா்.

இதில், அவா்கள் சென்னை, தாம்பரத்தைச் சோ்ந்த ராஜன் (49), அவரது தம்பி அரும்பாக்கத்தைச் சோ்ந்த சிவவிநாயகம் (42), தருமபுரி மாவட்டம், பொம்முடியைச் சோ்ந்த ஆனந்த் (25), குமாா் (40) ஆகியோா் என்பதும், மணி, மோகன்ராஜ், வெங்கடாசலம் ஆகியோா் வீடுகளில் திருடியதும் தெரியவந்தது.

இதையடுத்து, 4 பேரையும் கைது செய்த போலீஸாா், அவா்களிடமிருந்த 21 பவுன் நகை, காா், மடிக்கணினி ஆகியவற்றைப் பறிமுதல் செய்தனா்.

இதைத் தொடா்ந்து, 4 பேரையும் மாவட்ட உரிமையியல் மற்றும் குற்றவியல் நீதித் துறை நடுவா் நீதிமன்ற நீதிபதி விஜயகுமாா் முன்னிலையில் ஆஜா்ப்படுத்தி, கோபி சிறையில் அடைத்தனா்.