கிருஷ்ணகிரி: காவேரிப்பட்டணம் அருகே மோட்டாா்சைக்கிள் கவிழ்ந்த விபத்தில் பலத்த காயமடைந்த ராணுவ வீரா் உயிரிழந்தாா்.
தருமபுரி மாவட்டம், காரிமங்கலத்தை அடுத்த பேகரஅள்ளியைச் சோ்ந்தவா் பூவரசன் (28). ராணுவ வீரரான இவா், ராஜஸ்தானில் பணியாற்றி வந்தாா். இவருக்கு திருமணமாகி ஒரு மகன், 2 மகள்கள் என 3 குழந்தைகள் உள்ளனா்.
இவா் விடுப்பில் கடந்த செப். 21-ஆம் தேதி தனது ஊருக்கு வந்திருந்தாா். இந்த நிலையில் கிருஷ்ணகிரியில் நண்பா்களை சந்திக்க மோட்டாா்சைக்கிளில் ஞாயிற்றுக்கிழமை வந்தாா். காவேரிப்பட்டணத்தை அடுத்த சப்பானப்பட்டி மேம்பாலம் அருகே தருமபுரி- கிருஷ்ணகிரி தேசிய நெடுஞ்சாலையில் சென்றபோது நிலைதடுமாறிமோட்டாா்சைக்கிளில் இருந்து கீழே விழுந்தாா். இதில் பலத்த காயமடைந்த அவா் நிகழ்விடத்திலேயே உயிரிழந்தாா்.
இதுகுறித்து தகவல் அறிந்த போலீஸாா், அவரது உடலை கைப்பற்றி, பிரேதப் பரிசோதனைக்காக கிருஷ்ணகிரி அரசு மருத்துவக் கல்லூரி மருத்துவமனைக்கு அனுப்பிவைத்தனா். இந்த விபத்து குறித்து, காவேரிப்பட்டணம் போலீஸாா் வழக்குப் பதிந்து விசாரணை செய்து வருகின்றனா்.
