அகில இந்திய காங்கிரஸ் பொதுச் செயலா் கே.சி. வேணுகோபால் இன்று கரூா் வருகை
‘நலம் காக்கும் ஸ்டாலின்‘ முகாமில் 12,130 பேருக்கு பயன்: திருப்பத்தூா் ஆட்சியா்
Admin
- 4 hours ago
திருப்பத்தூா்: திருப்பத்தூா் மாவட்டத்தில் ‘நலம் காக்கும் ஸ்டாலின்’ முகாமில் 12,130 பயனாளிகள் பயனடைந்துள்ளனா் என ஆட்சியா் க.சிவசௌந்திரவல்லி தெரிவித்துள்ளாா்.
இது குறித்து அவா் வெளியிட்ட செய்திக் குறிப்பு:
திருப்பத்தூா் மாவட்டத்தில் கடந்த ஆகஸ்ட் 2 முதல் செப்.13 வரை ‘நலம் காக்கும் ஸ்டாலின்’ முகாமில் திருப்பத்தூா், ஜோலாா்பேட்டை, வாணியம்பாடி, ஆம்பூா் பகுதிகளில் நடைபெற்ற 7 முகாம்களில் 12,130 பயனாளிகள் பயன்பெற்றுள்ளனா்.
‘நலம் காக்கும் ஸ்டாலின்’ முகாமில் பயனடைந்த ஆம்பூா் வட்டம், சிவரஞ்சபுரம் கிராமத்தைச் சோ்ந்த மாற்றுத்திறனாளியான மகேந்திரன் தெரிவித்தது: பொதுவாக அரசின் நலத் திட்டங்களில் பயன்பெற வேண்டும் என்றால் மாற்றுத்திறனாளிகள் அந்தந்த மாவட்டத்தில் இருக்கும் மக்கள் நல்வாழ்வுத் துறை அலுவலகத்துக்கு நேரில் சென்று சான்றிதழ்கள் பெற்று, சமா்ப்பிக்க வேண்டிய கட்டாயம் இருந்தது.
இந்த நடைமுறையை எளிதாக்கும் வகையில், ‘நலம் காக்கும் ஸ்டாலின்’ என்ற திட்டம் முகாம்கள் மூலமாக பரிசோதனை மேற்கொள்ளப்பட்டு வருகிறது. இதற்கு முன்பாக நான் ஒருங்கிணைந்த வேலூா் மாவட்டத்தில் மாற்றுத் திறனாளிகளுக்கான அடையாள அட்டை வைத்திருந்தேன். தற்போது திருப்பத்தூா் மாவட்டத்துக்கான மாற்றுத்திறனாளிகள் அடையாள அட்டையை பெற்றுள்ளேன்.
திருப்பத்தூா் மாவட்டம், மாடப்பள்ளி கிராமத்தில் வசிக்கும் சகுந்தலா கூறியது: எனக்கு சா்க்கரை மற்றும் ரத்த அழுத்தம் அதிகமாக உள்ளதால் அதற்கான மருந்து, மருத்துவா்களால் வழங்கப்பட்டுள்ளது. நான் இந்த ‘நலம் காக்கும் ஸ்டாலின்’ திட்டத்தின் மூலமாக பயன் அடைந்துள்ளேன். எனவே, இந்த ‘நலம் காக்கும் ஸ்டாலின்’ திட்டத்தின்கீழ் முகாமை ஏற்படுத்திக் கொடுத்த தமிழக அரசுக்கும், முதல்வா் ஸ்டாலினுக்கும் மனமாா்ந்த நன்றிகளை தெரிவித்துக் கொள்கிறேன் என்றாா்.
