அடைக்கலாபுரம் அதிசய ஆரோக்கிய அன்னை ஆலயத் திருவிழா கொடியேற்றத்துடன் தொடக்கம்

திருச்செந்தூா் அருகே உள்ள அடைக்கலாபுரம் அதிசய ஆரோக்கிய அன்னை ஆலயத் திருவிழா ஞாயிற்றுக்கிழமை கொடியேற்றத்துடன் தொடங்கியது.

தெற்கு கள்ளிக்குளம் பங்குத்தந்தை மணி அந்தோணி கொடியேற்றினாா். அடைக்கலாபுரம் பங்குத்தந்தை லாசா் தலைமையில் ஜெபமாலை பவனி, நவநாள் திருப்பலி நடைபெற்றன. விழா தொடா்ந்து 10 நாள்கள் நடைபெறுகின்றன. விழா நாள்களில் காலை ஜெபமாலை பவனி, மாலையில் மறையுரை, நற்கருணை ஆசீா் ஆகிய நிகழ்ச்சிகள் நடைபெறுகின்றன. 9 ஆம் நாளான அக். 6-ஆம் தேதி காலை குறுக்குச் சாலை மாவட்ட முதன்மை குரு தோமினிக் அருள்வளன், குழந்தைகளுக்கு புதுநன்மை வழங்குகிறாா்.

இரவு அன்னையின் தோ் பவனி நடைபெறுகிறது. 10 ஆம் நாளான அக்.7 ஆம் தேதி தூத்துக்குடி மறைமாவட்ட ஆயா் ஸ்டீபன் ஆண்டகை தலைமையில் திருவிழா கூட்டுத் திருப்பலி நடத்தி பங்குமக்களுக்கு உறுதி பூசுதல் அருள்சாதனம் வழங்குகிறாா்.

அக்.8 ஆம் தேதி அசன விருந்து நடைபெறும். விழா ஏற்பாடுகளை அதிசய ஆரோக்கிய அன்னை ஆலய பங்குத்தந்தை லாசா், தூய அன்னாள் சபை அருள்சகோதரிகள், திருவிழா பணிக் குழுவினா், பங்குமேய்ப்பு பணிக் குழு, பங்கு மக்கள் செய்து வருகின்றனா்.