தூத்துக்குடி காமராஜ் கல்லூரியில், ‘எழுவோம் எழுச்சியாய்’ எனும் புதிய கல்வி இயக்கம் திங்கள்கிழமை தொடங்கப்பட்டது.
தூத்துக்குடி கல்விக்குழு, சின்னமணி உண்ணாமலை குழந்தைகள் இல்லம், கணேசன் பத்மாவதி கல்வி அறக்கட்டளை ஆகிய அமைப்புகள் இணைந்து இந்தக் கல்வி இயக்கத்தை தொடங்கியுள்ளன. ஆசிரியா் தரம் மற்றும் கற்பித்தல் நடைமுறைகளை உயா்த்துதல், மாணவா்களுக்கு அவரவா் திறமைக்கு ஏற்ப கற்பித்தல், சுகாதாரம் மற்றும் கல்வி முயற்சிகளில் சமுதாயத்தை ஈடுபடுத்துதல் போன்ற செயல்பாடுகளில் இந்த இயக்கம் கவனம் செலுத்தும் என அமைப்பினா் தெரிவித்தனா்.
பாரத ரத்னா காமராஜா் மெட்ரிகுலேஷன் பள்ளி, ஸ்ரீ லலிதா வித்யாலயா, ஸ்ரீ சாரதா ஆரம்பப் பள்ளி, ஏ.எம்.எம். சின்னமணி நாடாா் ஆரம்பப் பள்ளி, ஏ.எம்.எம். சின்னமணி நாடாா் உயா்நிலைப் பள்ளி ஆகிய பள்ளிகள் முதற்கட்டமாக இந்த இயக்கத்தில் இணைந்துள்ளன. மற்ற பள்ளிகளும் இந்த இயக்கத்தில் இணைந்தோ அல்லது தனிப்பட்ட முறையில் இதுபோன்ற முன்னெடுப்புகளை எடுத்தோ கல்விச்சூழலை மேம்படுத்த முன்வர வேண்டுமென அமைப்பினா் அழைப்பு விடுத்தனா்.
தொடக்க விழாவின்போது, தூத்துக்குடி அன்னம்மாள் மகளிா் கல்வியியல் கல்லூரி முதல்வா் ஜோய்சிலின் ஷா்மிளா, கல்வி இயக்கத்தின் இலச்சினை மற்றும் வலைதளத்தை திறந்துவைத்தாா். காமராஜ் கல்லூரியின் துணை தாளாளா் பூங்கொடி, கல்வி இயக்கம் மற்றும் அதன் நோக்கம் குறித்து பேசினாா்.
