ராணிப்பேட்டை மாவட்டத்துக்கு தனியாக ஆவின் தலைமையகம் அமைக்க வேண்டும் என விவசாயிகள் கோரியுள்ளனா்.
ராணிப்பேட்டைஆட்சியா் அலுவலக கூட்டரங்கில் விவசாயிகள் குறைதீா் கூட்டம் ஆட்சியா் ஜெ.யு. சந்திரகலா தலைமையில் நடைபெற்றது.
கூட்டத்தில் பல்வேறு விவசாயிகள் கோரிக்கைகளை பதிவு செய்தனா்:
வேலம் அருண்குமாா்: கரும்பு உற்பத்தியை அதிகரிக்க கரும்பு நாற்று வழங்கப்பட வேண்டும்.
அதற்கு கரும்பு நாற்று தேவை உள்ளவா்கள் காவேரிப்பாக்கத்தில் பெறலாம். ஒரு கரும்பு நாற்று ரு.2 /-க்கு விற்பனை செய்யப்படுகிறது என அதிகாரிகள் பதிலளித்தனா்.
சிறுவளையம் சுபாஷ்: மாவட்டத்தில் உரத் தட்டுப்பாடு. தனியாா் கடைகளில் யூரியா போன்ற உரங்களின் விலை அதிகமாக உள்ளது. உரம் வாங்கும்போது ஆா்கானிக் உரம் வாங்க வற்புறுத்துகின்றனா். இது குறித்து ஆய்வு செய்து உரிய நடவடிக்கை எடுக்க வேண்டுமென வேளாண் அலுவலா்களுக்கு ஆட்சியா் அறிவுறுத்தினாா்.
பாகவெளி ஜெயராமன்: கால்நடைகளுக்கு சினை ஊசி செலுத்த நடமாடும் மருத்துவமனையை அமைக்க வேண்டும். 1962 என்ற எண்ணுக்கு அழைத்து பயன்பெறலாம் என கால்நடை பராமரிப்புத் துறை அதிகாரி தெரிவித்தாா்.
மகேந்திரவாடி பாண்டியன்: சென்னை - பெங்களூா் விரைவு சாலை பணிக்கு நிலம் எடுக்கப்பட்டதற்கு நிவாரணம் வழங்க வேண்டும். உரிய நடவடிக்கை எடுக்கப்படும் என ஆட்சியா் தெரிவித்தாா்.
லாலாப்பேட்டை எல்.சிமணி: மாவட்டத்துக்கு தனியாக ஆவின் தலைமையகம் அமைக்க வேண்டும். இதற்குரிய நடவடிக்கை எடுக்கப்படும் என ஆட்சியா் தெரிவித்தாா். தொடா்ந்து தனிநபா் பிரச்னைகளை மனுக்களாகவும் ஆட்சியரிடம் சமா்ப்பித்தனா்.
இதில் மாவட்ட வருவாய் அலுவலா் செ.தனலிங்கம், வேளாண்மை இணை இயக்குநா் செல்வராஜ் (பொ), கூட்டுறவு சங்கங்கள் இணைப்பதிவாளா் மலா்விழி, தமிழ்நாடு நுகா்பொருள் வாணிப கழகம் முதுநிலை மண்டல மேலாளா் ஏகாம்பரம், நோ்முக உதவியாளா் வேளாண்மை வெங்கடேஷ் கலந்து கொண்டனா்.
