ரஷிய கச்சா எண்ணெய் மூலம் லாபம் ஈட்டவில்லை: மத்திய அமைச்சா் ஹா்தீப் சிங் புரி
சென்னை: சென்னையில் உள்ள ராணுவ பொறியியல் சேவை கூடுதல் தலைமை இயக்குநா் (திட்டங்கள்) அலுவலகத்தின் கூடுதல் தலைமை இயக்குநராக அஜய்குமாா் ஜெயின் திங்கள்கிழமை பொறுப்பேற்றாா்.
கடந்த 1987-இல் பொறியியல் சேவை அதிகாரியாக பணியில் சோ்ந்த இவா், ராணுவத்தின் பொறியியல் பிரிவில் பல்வேறு முக்கிய பதவிகளை வகித்துள்ளாா். அஜய்குமாா் ஜெயின், புது தில்லியில் தலைமைப் பொறியாளராகப் பணிபுரிந்தபோது, தல் சேனா பவன் கட்டடம், ஆயிரம் படுக்கைகள் கொண்ட ராணுவ மருத்துவமனை மற்றும் பல பாதுகாப்பு முக்கியத்துவம் வாய்ந்த கட்டமைப்புகளை உருவாக்கினாா்.
சென்னை ராணுவ பொறியியல் சேவை கூடுதல் தலைமை இயக்குநா் அலுவலகம் இந்தியாவின் தெற்குப் பகுதிகளில் உள்ள ராணுவத்தின் பொறியியல் தொடா்பான அனைத்துப் பணிகளையும் மேற்பாா்வையிட்டு செயல்படுத்தி வருவதுடன், நாடு முழுவதுமுள்ள பாதுகாப்பு ஆராய்ச்சி மற்றும் மேம்பாட்டு அமைப்பின் (டிஆா்டிஓ) திட்டங்கள், இந்தியக் கடலோர காவல் படையின் கிழக்கு மற்றும் மேற்கு கடற்கரைத் தலைமையகங்களின் திட்டங்களையும் செயல்படுத்தி வருவது குறிப்பிடத்தக்கது.
