ராமநாதபுரம்: குடி போதையால் நேர்ந்த விபரீதம்... நண்பனைக் கொன்ற வாலிபர் கைது; என்ன நடந்தது?

ராமநாதபுரம் மாவட்டம் உச்சிப்புளி காவல் நிலைய எல்லைக்கு உட்பட்டது தில்லைநாச்சியம்மன் கோயில் குடியிருப்புப் பகுதி. இப்பகுதியைச் சேர்ந்த நாகரத்தினம் என்பவரின் மகன் குழந்தை வேலு. இவருக்குத் திருமணமாகி மனைவியும், இரண்டு மாத கைக்குழந்தையும் உள்ளனர். இவரது வீட்டின் அருகே வசித்து வருபவர் சேகர் மகன் சரவணன். குழந்தைவேலுவும், சரவணனும் நண்பர்கள்.

இந்நிலையில் நேற்று (ஜனவரி 21) பகலில் குழந்தைவேலுவும், சரவணனும் ஒன்றாகச் சேர்ந்து மது அருந்தியுள்ளனர். பகல் பொழுது மறைந்து இரவு ஆன நிலையில் மதுபோதை தலைக்கு ஏற நண்பர்கள் இருவருக்கும் இடையே மோதல் எழுந்துள்ளது. இதில் சரவணன், குழந்தைவேலுவைக் கோழி வெட்டும் கத்தியால் குத்தியதில் குழந்தைவேலு சம்பவ இடத்திலேயே உயிரிழந்தார். கொலை செய்த சரவணனும் போதை மயக்கத்தில் அங்கேயே இருந்துள்ளார்.

இரவு நெடுநேரம் ஆகியும் குழந்தைவேலு வீடு திரும்பாததால் அவரது உறவினர்கள் அவரைத் தேடிய போது குழந்தைவேலு உயிரிழந்த நிலையில் கிடந்ததைக் கண்டனர். இதையடுத்து அவர்கள் இது குறித்து உச்சிப்புளி காவல்நிலையத்திற்குத் தகவல் தெரிவித்தனர்.

சம்பவ இடத்திற்கு வந்த போலீஸார், குடிபோதையில் கிடந்த சரவணனைக் கைது செய்ததுடன், கொலையாகிக் கிடந்த குழந்தைவேலுவின் உடலைக் கைபற்றி பிரேதப் பரிசோதனைக்கு அனுப்பி வைத்தனர்.

இக்கொலை சம்பவம் தொடர்பாக வழக்குப்பதிவு செய்த உச்சிப்புளி போலீஸார், குழந்தைவேலு கொலை செய்யப்பட்டதற்கு வேறு ஏதும் காரணங்கள் உள்ளதா என விசாரணை நடத்தி வருகின்றனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs