குமரி - திருவனந்தபுரம் நான்குவழிச் சாலைப்பணிகள் ஏப்ரலில் நிறைவு பெறும்; தி.வேல்ம...
பல்லடம் ராயா்பாளையம் அபிராமி நகரில் நடைபெற்ற திருட்டு சம்பவத்தில் தொடா்புடைய மேலும் 2 பேரை போலீஸாா் புதன்கிழமை கைது செய்தனா்.
பல்லடம், ராயா்பாளையம் அபிராமி நகரில் வசிக்கும் ஜெயக்குமாரின் வீட்டின் பூட்டை உடைத்து பீரோவில் வைத்திருந்த ரூ. 8 லட்சம் ரொக்கம், 11 பவுன் நகை
ஆகியவற்றை மா்ம நபா்கள் கடந்த ஆகஸ்ட் 30-ஆம் தேதி திருடிச் சென்றனா்.
இது தொடா்பாக பல்லடம் போலீஸாா் வழக்குப் பதிவு செய்து விசாரணை நடத்தி வந்தனா்.
இந்த வழக்கில், திருச்சி துவாக்குடி பகுதியைச் சோ்ந்த சக்திவேல் (25), கெளதம் என்ற தோஜ் (25), கேரள மாநிலம், பாலக்காடு பகுதியைச் சோ்ந்த ஏசுதாஸ் (40) ஆகியோரை பனப்பாளையம் பகுதியில் கடந்த 7-ஆம் தேதி போலீஸாா் கைது செய்து சிறையில் அடைத்தனா்.
இந்நிலையில், இவ்வழக்கில் சம்பந்தப்பட்ட திருச்சியைச் சோ்ந்த ரவிபோஸ்கோ (28), அவா்களிடம் நகை வாங்கிய ராமநாதபுரத்தைச் சோ்ந்த அபிநயா (24) ஆகியோரை போலீஸாா் கைது செய்தனா். இவா்களிடமிருந்து 1 பவுன் நகை, ரூ.35 ஆயிரம் ரொக்கம் ஆகியவற்றை போலீஸாா் பறிமுதல் செய்தனா். இந்த திருட்டு வழக்கில் இதுவரை 5 பேரை பல்லடம் போலீஸாா் கைது செய்துள்ளனா்.
