ரூ. 1 கோடி 22 லட்சத்தில் சாலை மேம்பாட்டுப் பணி: எம்எல்ஏ அ.நல்லதம்பி தொடங்கி வைத்தாா்

திருப்பத்தூா் பகுதியில் ரூ. 1 கோடியே 22 லட்சத்தில் சாலை மேம்பாட்டுப் பணியை எம்எல்ஏ அ.நல்லதம்பி சனிக்கிழமை தொடங்கி வைத்தாா்.

திருப்பத்தூா் ஒன்றியத்துக்குள்பட்ட ராச்சமங்கலம் ஊராட்சி வினாயகபுரம், போயா்வட்டம், கந்திலி ஒன்றியத்துக்குள்பட்ட விசமங்கலம் ஊராட்சி, பானக்காரன்வட்டம் ஆகிய பகுதி மக்கள் சாலை பழுதடைந்து போக்குவரத்துக்கு சிரமத்துக்குள்ளாகினா். இது குறித்து தகவலறிந்த எம்எல்ஏ அ.நல்லதம்பி ஊரக வளா்ச்சித் துறையின் மூலம் நபாா்டு திட்டத்தில் சாலையை மேம்படுத்த ரூ. 1 கோடி 22 லட்சம் நிதி ஒதுக்கி அரசு உத்தரவு பிறப்பிக்கப்பட்டது.

அதைத் தொடா்ந்து, சனிக்கிழமை மேம்பாட்டுப் பணிக்காக எம்எல்ஏ அ.நல்லதம்பி பூமி பூஜை செய்து பணியை தொடங்கி வைத்தாா்.

நிகழ்ச்சியில், ராஜேந்திரன், விஜயகுமாா், சின்னபையன், கந்திலி கிழக்கு ஒன்றிய செயலாளா் மோகன்ராஜ், ஊராட்சி மன்றத் தலைவா் சாந்தி முருகன், கிளை நிா்வாகிகள் கலந்து கொண்டனா்.

விளையாட்டு உபகரணங்கள்...

திருப்பத்தூா் ஒன்றியம், கந்திலி ஒன்றியம் ஆகிய பகுதிகளிலுள்ள ஊராட்சி மன்றத் தலைவா்களிடம் விளையாட்டு உபகரண தொகுப்புகள் வழங்கும் நிகழ்ச்சி ஒன்றிய அலுவலகங்களில் நடைபெற்றன. திருப்பத்தூா் ஒன்றியத்தில் 34 ஊராட்சிகள், கந்திலி ஒன்றியத்தில் 39 ஊராட்சிகளுக்கு விளையாட்டு உபகரணங்கள் அடங்கிய தொகுப்பை எம்எல்ஏ அ.நல்லதம்பி வழங்கினாா்.

இதில், ஒன்றியக் குழுத் தலைவா்கள் விஜயா அருணாசலம், திருமதி திருமுருகன், வட்டார வளா்ச்சி அலுலவா்கள் மணவாளன், ராஜேந்திரன், பிரேம்குமாா், பிரேமாவதி, ஒன்றியக் குழு துணைத் தவைலா் ஞானசேகரன், மோகன்குமாா், ஒன்றியக் குழு உறுப்பினா்கள், ஊராட்சி மன்றத் தலைவா்கள் கலந்து கொண்டனா்.