ரூ.6 ஆயிரம் கோடி மோசடி வழக்கில், தேடப்பட்ட எல்என்எஸ் நிதி நிறுவன நிா்வாகி பாங்காகில் கைது செய்யப்பட்டாா்.
வேலூரை தலைமையிடமாகக் கொண்டு இயங்கி வந்த எல்என்எஸ் - இன்டா்நேஷ்னல் ஃபைனான்சியல் சா்வீஸ் என்ற நிதி நிறுவனம் ஒரு லட்சம் பேரிடம் ரூ.6 ஆயிரம் கோடி மோசடி செய்தது. இது தொடா்பாக பாதிக்கப்பட்டவா்கள் அளித்த புகாரின் அடிப்படையில், தமிழக பொருளாதார குற்றப்பிரிவு போலீஸாா் கடந்த 2022ஆம் ஆண்டு ஆகஸ்ட் மாதம் அந்த நிறுவனத்தின் மீது வழக்குப் பதிவு செய்தனா். இதையடுத்து அந்நிறுவனம் தொடா்புடைய 35 இடங்களில் சோதனை நடத்தப்பட்டது.
பணம் நகைகள் பறிமுதல்: சோதனையில் ரூ.1.16 கோடி ரொக்கம், 90 பவுன் தங்க நகைகள், ரூ.40 லட்சம் வெள்ளிப் பொருள்கள், ரூ.6 கோடி மதிப்புள்ள 26 காா்கள் ஆகியவை பறிமுதல் செய்யப்பட்டன.
இந்த வழக்கில் எதிரிகளாக சோ்க்கப்பட்டுள்ள 25 பேரில் 10 போ் கைது செய்யப்பட்டுள்ளனா். அந்த நிறுவனத்தின் முக்கிய நிா்வாகிகளாக இருந்த சத்துவாச்சேரியைச் சோ்ந்த ஒரே குடும்பத்தைச் சோ்ந்த மோகன்பாபு, சு.லட்சுமிநாராயணன்,சு.வேதநாராயணன்,சு.ஜனாா்த்தனன் ஆகிய 4 பேரை பொருளாதார குற்றப்பிரிவு தேடப்படும் குற்றவாளிகளாக அறிவித்தது.
அதோடு 4 பேருக்கும் மத்திய அரசு வாயிலாக சா்வதேச காவல்துறை மூலம் ரெட் காா்னா் நோட்டீஸ் வழங்கியது. இந்நிலையில் தலைமறைவாக இருக்கும் ஜனாா்த்தனன்,துபையில் இருந்து லண்டனுக்கு அண்மையில் தப்பிச் சென்றிருப்பது தெரியவந்தது. இதையடுத்து ஜனாா்த்தனனை நாடு கடத்தும் நடவடிக்கை மூலம் தமிழகத்துக்கு கொண்டு வருவதற்குரிய பணியில் பொருளாதார குற்றப்பிரிவு ஈடுபட்டது.
பாங்காகில் சிக்கினாா்: இந்நிலையில் ஜனாா்த்தனன், லண்டனில் இருந்து பாங்காகுக்கு கடந்த 28-ஆம் தேதி சென்றாா். பாங்காக் விமான நிலையத்தில் அங்கிருந்த அதிகாரிகள், அவருக்கு எதிராக ரெட் காா்னா் நோட்டீஸ் இருப்பதை கண்டறிந்து, அவரை தடுத்து நிறுத்தினா். மேலும், ஜனாா்த்தனனை அங்கிருந்து கொல்கத்தாவுக்கு விமானத்தில் அனுப்பி வைத்தனா்.
கொல்கத்தா விமான நிலையத்தில் இந்திய குடியேற்றத் துறை அதிகாரிகள், ஜனாா்த்தனனை கைது செய்து, தமிழக பொருளாதார குற்றப்பிரிவுக்கு தகவல் தெரிவித்தனா். அதன்பேரில் உடனே அங்கு சென்ற தமிழக பொருளாதார குற்றப்பிரிவு அதிகாரிகள், ஜனாா்த்தனை காவலில் எடுத்து, சென்னைக்கு வியாழக்கிழமை கொண்டு வந்தனா். விசாரணைக்கு பின்னா் அவரை நீதிமன்றத்தில் ஆஜா்படுத்தி, புழல் மத்திய சிறையில் அடைத்தனா்.
