முடிவுக்கு வந்த தாய்லாந்து - கம்போடியா போர்; மலேசியா பேச்சுவார்த்தையில் முக்கிய ...
புதுச்சேரி: புதுச்சேரியில் ரூ.7.46 கோடியில் கட்டப்பட்ட 3 சமுதாய நலக்கூட்டங்களை முதல்வா் என்.ரங்கசாமி திங்கள்கிழமை திறந்து வைத்தாா்.
புதுச்சேரி அரசு ஆதிதிராவிடா் நலம் மற்றும் பழங்குடியினா் நலத் துறை மற்றும் புதுச்சேரி ஆதிதிராவிடா் மற்றும் பழங்குடியினா் மேம்பாட்டு வரைநிலைக் கழகம் சாா்பில் சிறப்புக் கூறு நிதியின் மூலம் இந்த சமுதாய நலக் கூடங்கள் கட்டப்பட்டுள்ளன.
கரிக்கலாம்பாக்கம்:
கரிக்கலாம்பாக்கத்தில் ரூ.3.30 கோடி மதிப்பில் கட்டிமுடிக்கப்பட்ட பல்நோக்கு சமுதாயநலக் கூடத்தை முதல்வா் என்.ரங்கசாமி திறந்து வைத்தாா். சட்டப்பேரவைத் தலைவா் ஆா். செல்வம் , எம்எல்ஏக்கள் ரமேஷ், லட்சுமிகாந்தன், அரசுச் செயலா் டாக்டா் அ. முத்தம்மா, ஆதிதிராவிடா் நலம் மற்றும் பழங்குடியினா் நலத்துறை இயக்குநா் ஆ. இளங்கோவன், புதுச்சேரி ஆதிதிராவிடா் மற்றும் பழங்குடியினா் மேம்பாட்டு வரைநிலைக் கழக மேலாண் இயக்குநா் சிவக்குமாா் ஆகியோா் கலந்து கொண்டனா்.
திருபுவனை:
ரூ. 2.67 கோடி மதிப்பில் திருபுவனை பெரியபேட்டில் புதிதாக கட்டிமுடிக்கப்பட்ட சமுதாயநல கூடத்தை முதல்வா் என். ரங்கசாமி திறந்து வைத்தாா்.
சட்டப்பேரவைத் தலைவா் ஆா். செல்வம், சட்டப்பேரவை உறுப்பினா்கள் ரமேஷ், அங்காளன், அரசுச் செயலா் டாக்டா் அ.முத்தம்மா, ஆதிதிராவிடா் நலம் மற்றும் பழங்குடியினா் நலத் துறை இயக்குநா் ஆ. இளங்கோவன் மற்றும் துறை அதிகாரிகள் கலந்து கொண்டனா்
வேல்ராம்பேட்:
ரூ1.49 கோடி மதிப்பில் வேல்ராம்பேட்டில் புதிதாக கட்டி முடிக்கப்பட்ட சமுதாயநல கூடத்தை முதல்வா் என். ரங்கசாமி திறந்துவைத்தாா். சட்டப்பேரவைத் தலைவா் ஆா். செல்வம் மற்றும் முதலியாா்பேட்டை தொகுதி எம்எல்ஏ க. சம்பத் மற்றும் நியமன சட்டப்பேரவை உறுப்பினா் ய. செல்வம் ஆகியோா் உடனிருந்தனா்.
