சங்ககிரி அருகே லாரி மோதி இருசக்கர வாகனத்தில் சென்ற தனியாா் நிறுவன ஊழியா் செவ்வாய்க்கிழமை உயிரிழந்தாா்.
தருமபுரி மாவட்டம், பாப்பிரெட்டிப்பட்டி வட்டம், சிந்தல்பாடி பகுதியைச் சோ்ந்தவா் கோபி (24). கோவையில் உள்ள தனியாா் நிறுவனத்தில் பணிபுரிந்து வந்த இவா், செவ்வாய்க்கிழமை கோவையிலிருந்து இருசக்கர வாகனத்தில் சொந்த ஊருக்கு சென்றுகொண்டிருந்தாா்.
சங்ககிரியை அடுத்துள்ள திருமண மண்டபம் அருகே சென்றபோது, பின்னால் வந்த லாரி இடதுபுறம் திரும்பியபோது எதிா்பாராதவிதமாக இருசக்கர வாகனத்தின் மீது மோதியது. இதில் பலத்த காயமடைந்த கோபி சம்பவ இடத்திலேயே உயிரிழந்தாா்.
இதுகுறித்து சங்ககிரி போலீஸாா் வழக்குப் பதிவு செய்து, கோபியின் உடலை மீட்டு பிரேத பரிசோதனைக்காக சங்ககிரி அரசு மருத்துவமனைக்கு அனுப்பி வைத்து விசாரித்து வருகின்றனா்.
