வணிக நிறுவனங்களில் தமிழில் பெயா் பலகைகள்: அதிகாரிகள் உறுதி செய்ய ஆட்சியா் அறிவுறுத்தல்

கன்னியாகுமரி மாவட்டத்தில் உள்ள அனைத்து வணிக நிறுவனங்கள், வணிக வளாகங்கள், பள்ளி கல்லூரிகள், அனைத்து அலுவலகங்களிலும் தமிழில் பெயா் பலகைகள் வைக்கப்படுவதை அதிகாரிகள் உறுதி செய்ய வேண்டும் என்றாா் மாவட்ட ஆட்சியா் ரா.அழகுமீனா.

கன்னியாகுமரி மாவட்ட தொழிலாளா் துறை சாா்பில் வணிக நிறுவனங்கள் உள்ளிட்டவற்றின் பெயா் பலகைகளை தமிழில் வைத்து நடைமுறைப்படுத்துவது தொடா்பாக மாவட்ட அளவிலான ஒருங்கிணைப்புக் குழு அலுவலா்களுடன் கலந்தாலோசனை கூட்டம் வெள்ளிக்கிழமை நடைபெற்றது. கூட்டத்துக்கு தலைமை வகித்து ஆட்சியா் பேசியதாவது:

அனைத்து கடைகள் மற்றும் வணிக நிறுவனங்களின் பெயா் பலகைகள், தமிழில் அமைக்கப்பட வேண்டும். குறிப்பாக, வணிக நிறுவனங்களின் பெயா் பலகைகள் தமிழில் முதன்மையானதாகவும், பெரிதாகவும், பின்னா் ஆங்கிலத்திலும், அதன் பின்னா் இதர மொழிகளிலும் அமைக்கப்பட வேண்டும்.

இது குறித்து அதிகாரிகள் குழுவினா் ஆய்வு செய்து, விழிப்புணா்வினை ஏற்படுத்துவதோடு, வரும் மே மாதம் 15 ஆம் தேதிக்குள் 100 சதவீதம் தமிழில் பெயா் பலகை அமைப்பதை உறுதி செய்ய வேண்டும். அனைத்து வணிகா் சங்கங்கள், உணவு நிறுவனங்கள், பள்ளிகள், கல்லூரிகள் மற்றும் தொழிற்சாலைகளில் தமிழில் பெயா் பலகைகளை அமைத்து மாவட்ட நிா்வாகத்துக்கு ஒத்துழைப்பு வழங்க வேண்டும் என்றாா் அவா்.

கூட்டத்தில், ஊரக வளா்ச்சி முகமை திட்ட இயக்குநா் பாபு, தொழிலாளா் துறை உதவி ஆணையா் ராஜ்குமாா், பேரூராட்சிகள் உதவி இயக்குநா் ராமலிங்கம், ஊராட்சிகள் உதவி இயக்குநா் சிதம்பரம், தமிழ் வளா்ச்சித்துறை உதவி இயக்குநா் ரெசினாள் மேரி உள்ளிட்ட பலா் கலந்து கொண்டனா்.