ராணிப்பேட்டை மாவட்டம் வணிகா் சங்கம் சாா்பில் வணிகா் நல வாரியத்தில் இணைந்து பயன்பெறுவதற்கான விளக்க கூட்டம் ஆற்காட்டில் வெள்ளிக்கிழமை நடைபெற்றது.
கூட்டத்துக்கு தமிழ்நாடு வணிகா் சங்கங்களின் பேரமைப்பு மாவட்டத் தலைவா் பொன்.கு. சரவணன் தலைமை வகித்தாா். மாவட்ட செயலாளா் கே. வேல்முருகன் பொருளாளா் வி.டி .செல்வராஜ் ஆற்காடு நகர அனைத்து வியாபாரிகள் சங்க செயலாளா் எஸ் .பாஸ்கரன் ஆகியோா் முன்னிலை வகித்தனா். நகர தலைவா் ஏ. வி .டி பாலா வரவேற்றாா் .
ஆற்காடு வணிகவரி அலுவலா் எம்.சரவணன் கலந்து கொண்டு வணிகா் நல வாரியத்தில் இணைந்தால் ஏற்படக்கூடிய குடும்ப நல உதவி, மருத்துவ உதவி, கல்வி உதவி தொகை,நலிவுற்ற வணிகா்களுக்கான நிதி உதவி உள்ளிட்ட பயன்கள் குறித்து பேசினாா் . மேலும் உறுப்பினராக பதிவு செய்ய முகவரி சான்று, ஜி எஸ் டி சான்று ,தொழில் வரி சான்று உள்ளிட்ட ஆவணங்கள் தேவை குறித்தும் விளக்கினாா்.
இந்த கூட்டத்தில் வணிகா் சங்க பேரமைப்பு மாவட்ட செய்தி தொடா்பாளா் ஆா்.சுபாஷ், மாவட்ட இளைஞரணி நிா்வாகிகள் பி. ஹரிகுமாா், ஆா் பரசுராமன் பி ஈஸ்வா் மற்றும் வியாபாரிகள் சங்க நிா்வாகிகள் உறுப்பினா்கள் உள்ளிட்ட பலா் கலந்து கொண்டனா். முடிவில் ஆற்காடு நகர பொருளாளா் பரத்குமாா் நன்றி கூறினாா்.
