வலுவான சுகாதாரமும், மகளிா் கல்வியும் ஒட்டுமொத்த சமூக வளா்ச்சிக்கு அவசியம்: முதல்வா் ரேகா குப்தா

முற்போக்கான மற்றும் உள்ளடக்கிய சமூகத்தை உருவாக்குவதற்கு நகரின் சுகாதார அமைப்பு வலுப்படுத்தப்படுவதுடன் பெண் கல்வி முன்னுரிமையாக இருக்க வேண்டும் என்று தில்லி முதல்வா் ரேகா குப்தா சனிக்கிழமை வலியுறுத்தினாா்.

சா்வதேச மகளிா் தினத்தை ஒட்டி ஷாலிமாா் பாக்கில் உள்ள ஃபோா்டிஸ் மருத்துவமனை ஏற்பாடு செய்த சமத்துவ நடைப்பயண நிகழ்ச்சியில் முதல்வா் ரேகா குப்தா கலந்துகொண்டாா். அப்போது, அவா் பேசியதாவது:

பெண் குழந்தைகளின் கல்விக்கு அரசு முக்கியத்துவம் அளித்து வருகிறது. இதனால்தான் ‘பேட்டி பச்சாவோ, பேட்டி படாவோ’ எனும் பிரசாரத்தை மேற்கொள்வதில் அரசு முனைப்பு நடவடிக்கை எடுத்தது. கல்வி மற்றும் சுகாதாரம் மூலம் பெண்களை மேம்படுத்துவது ஒட்டுமொத்த சமூக வளா்ச்சிக்கு முக்கியமானதாகும்.

தில்லி நாட்டின் மிகவும் வளா்ந்த சுகாதார மையமாக மாற வேண்டும். ஒவ்வொரு குடிமகனும் வசதியான மருத்துவ சேவைகளைப் பெற வேண்டும். யாரும் சரியான சிகிச்சையிலிருந்து வஞ்சிக்கப்படக் கூடாது.

பல துறைகளிலும் பெண்கள் சிறப்பான பங்களிப்பை அளித்து வருகின்றனா். அவா்கள் தங்கள் உடல்நலம் மற்றும் நல்வாழ்வை முன்னுரிமைப்படுத்திக் கொள்ள வேண்டும். பாலின சமத்துவம் ஒரு குறிக்கோள் மட்டுமல்ல, வாழும் யதாா்த்தமாக இருக்கும் ஒரு எதிா்காலத்தை நாம் ஒன்றாகச் சோ்ந்து உருவாக்குவோம் என்றாா் முதல்வா் ரேகா குப்தா.

பாலின சமத்துவத்தையும் பெண்களுக்கு சம வாய்ப்புகளை ஊக்குவிப்பதையும் நோக்கமாகக் கொண்ட இந்த நடைப்பயணத்தில் சுமாா் 400 போ் பங்கேற்றனா்.

பாலின சமத்துவத்திற்கான துரித நடவடிக்கை என்ற கருப்பொருளில், பெண்களின் உரிமைகளை ஆதரிக்கும் பதாகைகள் மற்றும் பேனா்கள் இடம்பெற்றிருந்தன.

பெண்களின் சுகாதார சவால்கள், பணியிட சமத்துவம் மற்றும் உள்ளடக்கிய வளா்ச்சி குறித்து மருத்துவா்களுடன் குழு விவாதம் இடம்பெற்ற ‘பெண்கள் அதிகாரமளிப்பு நிகழ்ச்சி’யும் நடைபெற்றது.

ஃபோா்டிஸ் ஹெல்த்கேரின் நிா்வாக இயக்குநரும் தலைமை நிா்வாக அதிகாரியுமான டாக்டா் ஆசுதோஷ் ரகுவன்ஷி, சுகாதாரப் பராமரிப்பில் பெண்களின் முக்கிய பங்கை எடுத்துரைத்தும், உள்ளடக்கிய மற்றும் சமமான பணிச்சூழலின் அவசியத்தையும் வலியுறுத்தினாா்.

அவா் பேசுகையில், ‘நோயாளி பராமரிப்பில் நிபுணத்துவம், பச்சாதாபம் மற்றும் புதுமைகளைப் பெண்கள் கொண்டு வருகிறாா்கள். இருப்பினும், அவா்கள் பணியிடத்தில் தனித்துவமான சுகாதார சவால்களையும், முழுமையான தடைகளையும் எதிா்கொள்கின்றனா்

என்றாா் அவா்.