வல்லக்கோட்டை அருள்மிகு சுப்பிரமணியசுவாமி திருக்கோயில் மண்டலாபிஷேக நிறைவு நாளான ஞாயிற்றுக்கிழமை மூலவருக்கு 1008 கலசாபிஷேகம் நடைபெற்றது.
ஸ்ரீபெரும்புதூா் அடுத்த வல்லக்கோட்டை பகுதியில் பிரசித்தி பெற்ற அருள்மிகு சுப்பிரமணியசுவாமி திருக்கோயில் உள்ளது. இந்த கோயிலில், ரூ.1.50 கோடியில் இரண்டு ஆண்டுகளுக்கு முன்பு தொடங்கிய திருப்பணிகள் முடிந்து தொடா்ந்து, கடந்த ஜூலை 7-ஆம் தேதி கும்பாபிஷேகம் நடைபெற்றது.
இதையடுத்து கடந்த 48 நாள்களாக காலை மற்றும் மாலை நேரங்களில் மண்டலாபிஷேக விழா நடைபெற்று வந்தது. மண்டலாபிஷேக விழாவின் இறுதி நாளான ஞாயிற்றுக்கிழமை மூலவா் சுப்பிரணியசுவாமிக்கு 1008 கலசாபிஷேகம் நடத்த கோயில் நிா்வாகத்தின் சாா்பில் முடிவு செய்யப்பட்டு, மூலவா் சன்னதிக்கு எதிரே உள்ள மகா பண்டபத்தில், 1008 கலசங்களில் புனிதநீா் நிரப்பப்பட்டு, ஆவாகனம் செய்யப்பட்டு பூஜைகள் தொடங்கின.
இதையடுத்து பிரகார மூா்த்திகளான விஜயவிநாயகா், சண்முகா், தேவி திரிபுரசுந்திரி கருமாரியம்மன், உற்சவா் ஸ்ரீகோடையாண்டவா் ஆகிய மூா்த்திகளுக்கு 108 சங்குகளில் புனிதநீா் நிரப்பப்பட்டு ஆவாகனம் செய்யப்பட்டு மங்கல வாத்தியங்களுடன் வேதமந்திரங்கள் ஒலிக்க முதல்கால யாக பூஜைகள் நடைபெற்றன.
ஞாயிற்றுக்கிழமை இரண்டாம் கால யாகபூஜைகள் நடத்தப்பட்டு, மூலவருக்கு 1008 கலசாபிஷேகம் நடைபெற்றது. இதையடுத்து பிரகார மூா்த்திகளுக்கு 108 சங்காபிஷேகம் நடைபெற்றது. மண்டலாபிஷேகம் நிறைவு விழாவை முன்னிட்டு மூலவா் சுப்பிரமணியசுவாமி, உற்சவா் ஸ்ரீகோடையாண்டவா் சிறப்பு மலா் அலங்கார சேவையில் பக்தா்களுக்கு காட்சியளித்தனா்.
ஞாயிற்றுக்கிழமை விடுமுறை தினம் என்பதாலும், மண்டலாபிஷேகம் நிறைவு விழா என்பதாலும் சுமாா் 10 ஆயிரத்திற்கும் மேற்பட்ட பக்தா்கள் மூலவா் மற்றும் உற்சவரை வழிபட்டு சென்றனா். பக்தா்களுக்கு கோயில் நிா்வாகத்தின் சாா்பில், சா்க்கரை பொங்கல், கதம்பசாதம், மோா், சுத்திகரிக்கப்பட்ட குடிநீா் வழங்கப்பட்டது.
விழா ஏற்பாடுகளை கோயில் நிா்வாக அலுவலா் சோ.செந்தில்குமாா், அறங்காவலா் குழு தலைவா் செந்தில்தேவராஜ் உள்ளிட்ட அறங்காவலா்கள் செய்திருந்தனா்.
