கூடலூரில் நடைபெற்ற வாசனை திரவிய கண்காட்சி ஞாயிற்றுக்கிழமை நிறைவுபெற்றது.
நீலகிரி மாவட்டத்தில் ஆண்டுதோறும் கோடை விழாவையொட்டி பல்வேறு கண்காட்சிகள் நடத்தப்படுகின்றன. இதன் ஒருபகுதியாக கூடலூா் மாா்னிங் ஸ்டாா் பள்ளி வளாகத்தில் வாசனை திரவிய கண்காட்சி கடந்த வெள்ளிக்கிழமை தொடங்கியது. இந்தக் கண்காட்சி ஞாயிற்றுக்கிழமை நிறைவுபெற்றது.
இதில், வாசனை பொருள்களைக்கொண்டு அரங்கு அமைத்து அனைவரையும் கவா்ந்த தோட்டக்கலைத் துறைக்கு முதல் பரிசும், கூடலூா் நகராட்சி அரங்கிற்கு இரண்டாம் பரிசும், வனத் துறை அரங்கிற்கு மூன்றாம் பரிசும் வழங்கப்பட்டது.
இதைத் தொடா்ந்து இயற்கை விவசாய உற்பத்தியாளா்களுக்கு பரிசுகள் வழங்கப்பட்டன. மேலும், கலை நிகழ்ச்சிகளில் பங்கு பெற்ற பல்வேறு அமைப்புகள், மாணவா்களுக்குப் பரிசுகள் வழங்கப்பட்டன.
நிறைவு விழாவிற்கு சாா்- ஆட்சியா் சங்கீதா தலைமை வகித்தாா். கண்காட்சியில் சிறப்பிடம் பிடித்தவா்களுக்கு மாவட்ட வருவாய் அலுவலா் நாராயணன் பரசு வழங்கினாா்.
நிகழ்ச்சியில் கேட்டாட்சியரின் நோ்முக உதவியாளா் சரவணகுமாா், வட்டாட்சியா் முத்துமாரி, நகா்மன்றத் தலைவா் பரிமளா உள்ளிட்ட பலா் கலந்துகொண்டனா்.
