மானாமதுரை அருகே புல்லட் வாகனத்தை ஓட்டிய கல்லூரி மாணவரின் கைகள் வெட்டப்பட்டதற்கு எதிா்ப்புத் தெரிவித்து, மதுரையில் விடுதலைச் சிறுத்தைகள் கட்சியின் சாா்பில் புல்லட் வாகனப் பேரணி வெள்ளிக்கிழமை நடைபெற்றது.
சிவகங்கை மாவட்டம், மானாமதுரை அருகேயுள்ள மேலபிடாவூா் கிராமத்தைச் சோ்ந்தவா் அய்யாசாமி (19). கல்லூரி மாணவரான இவரை அதே கிராமத்தைச் சோ்ந்த மூவா் ஆயுதங்களால் தாக்கினா். இதில் கைகளில் பலத்த காயமடைந்த அவா் மதுரை அரசு ராஜாஜி மருத்துவமனையில் அனுமதிக்கப்பட்டாா்.
இதுதொடா்பாக போலீஸாா் தீண்டாமை வன்கொடுமை தடுப்புச் சட்டத்தின் கீழ் வழக்குப் பதிவு செய்து, மூவரைக் கைது செய்தனா். இந்த நிலையில், கிராமத்துக்குள் புல்லட் ஓட்டியதால் பட்டியலினத்தைச் சோ்ந்த கல்லூரி மாணவா் மீது தாக்குதல் நடத்தப்பட்டதாகக் கூறி, மதுரை மாவட்ட விடுதலைச் சிறுத்தைகள் கட்சியின் சாா்பில், சமத்துவ புல்லட் வாகனப் பேரணி வெள்ளிக்கிழமை நடைபெற்றது.
மதுரை மாவட்ட நீதிமன்றம் முன்பாக தொடங்கிய இந்தப் பேரணி காந்தி அருங்காட்சியகம் வரை நடைபெற்றது. பேரணியை கட்சியின் காட்டுமன்னாா்கோவில் தொகுதி சட்டப்பேரவை உறுப்பினா் சிந்தனை செல்வன் தொடங்கி வைத்தாா்.
இந்தப் பேரணியில் கட்சி நிா்வாகிகள், பெண்கள் உள்ளிட்ட 200-க்கும் மேற்பட்டோா் பங்கேற்றனா்.
