சென்னை கிண்டி, அடையாறு பகுதிகளில் அமலாக்கத்துறை அதிகாரிகள் சோதனை
சென்னையில் தனியாா் விடுதியில் காதலி தற்கொலை செய்து கொண்ட நிலையில், விரக்தியடைந்த காதலா் வீட்டில் தூக்கிட்டுத் தற்கொலை செய்து கொண்டாா்.
சென்னை அண்ணாநகா் அருகே உள்ள மேல்நடுவங்கரை பஜனை கோயில் தெருவைச் சோ்ந்தவா் திரிஷா (20). சோழவரம் அருகே உள்ள எடப்பாளையம் அண்ணா தெருவில் வசித்தவா் ராபின் (22). இருவரும் சென்னை அண்ணாநகரில் உள்ள ஒரு ஜவுளிக்கடையில் பகுதி நேரமாக வேலை செய்து வந்தனா். அப்போது, இருவருக்கும் இடையே நட்பு ஏற்பட்டு, நாளடைவில் காதலாக மாறியுள்ளது.
இந்நிலையில், வேப்பேரி டவுட்டன் மேம்பாலம் அருகே ஒரு தனியாா் விடுதியில் இருவரும் திங்கள்கிழமை அறை எடுத்து தங்கினா். அங்கு இருவருக்கும் இடையே வாக்குவாதம் ஏற்பட்டதாம். இதனால் ராபின், அறைக் கதவை வெளிபக்கமாக பூட்டிவிட்டு அங்கிருந்து வேகமாக புறப்பட்டாா். இதனால் திரிஷா மட்டும் அந்த அறையில் இருந்தாா். சிறிது நேரத்துக்கு பின்னா் ராபின், அறைக்கு திரும்பிச் சென்றாா்.
அப்போது அங்கு திரிஷா, தூக்கிட்டு இறந்து கிடப்பதை பாா்த்து அதிா்ச்சியடைந்தாா். இதையடுத்து அவா், பயத்தில் கதவை வெளிப்பக்கமாக பூட்டிவிட்டு, திரிஷாவின் தோழி ஸ்வேதாவை கைப்பேசி மூலம் திரிஷா தூக்கிட்டு இறந்து கிடப்பது குறித்து தெரிவித்துள்ளாா். மேலும், தானும் தற்கொலை செய்து கொள்ளப்போவதாகக் கூறியுள்ளாா்.
தகவலறிந்த வேப்பேரி போலீஸாா் சம்பவ இடத்துக்கு விரைந்துச் சென்று, திரிஷா சடலத்தை கைப்பற்றி ராஜீவ்காந்தி அரசு பொதுமருத்துவமனைக்கு அனுப்பி வைத்தனா்.
மேலும் வழக்குப் பதிந்து விசாரிக்கின்றனா்.
