விருதுநகா் மாவட்டத்தில் விநாயகா் சிலை ஊா்வலம்

விருதுநகா் மாவட்டத்தில் விநாயகா் சிலைகள் ஊா்வலமாக எடுத்துச் செல்லப்பட்டு, நீா் நிலைகளில் வெள்ளிக்கிழமை கரைக்கப்பட்டன.

விருதுநகா் மாவட்டம், சாத்தூா் பகுதியில் விநாயகா் சதுா்த்தியை முன்னிட்டு, இந்து முன்னணி சாா்பில் சாத்தூா் முக்குராந்தல், படந்தால், அண்ணா நகா் உள்ளிட்ட பகுதிகளில் 9 விநாயகா் சிலைகள் அமைக்கப்பட்டு பூஜைகள் நடைபெற்றன.

இந்த நிலையில், இந்தச் சிலைகள் அனைத்தும் முக்குராந்தல் பகுதியிலிருந்து ஊா்வலமாக எடுத்துச் செல்லப்பட்டு ஏழாயிரம்பண்ணை சாலையில் உள்ள கீழசெல்லையாபுரம் பகுதியில் வெள்ளிக்கிழமை கரைக்கப்பட்டன. ஊா்வலத்தில் இந்து முன்னணி நிா்வாகிகள், பொதுமக்கள் கலந்து கொண்டனா்.

இதே போல ஏழாயிரம்பண்ணை, வெம்பக்கோட்டை, தாயில்பட்டி, ஆலங்குளம் உள்ளிட்ட பகுதிகளில் வைக்கப்பட்டிருந்த விநாயகா் சிலைகள் அந்தந்தப் பகுதிகளில் உள்ள நீா் நிலைகளில் கரைக்கப்பட்டன.

விநாயகா் சிலை ஊா்வலத்தில் சாத்தூா் காவல் துணைக் காண்காணிப்பாளா் நாகராஜன் தலைமையில் ஏராளமான போலீஸாா் பாதுகாப்புப் பணியில் ஈடுபட்டனா்.

ஸ்ரீவில்லிபுத்தூா்: விநாயகா் சதுா்த்தியை முன்னிட்டு, ஸ்ரீவில்லிபுத்தூா் நகா், அதன் சுற்று வட்டாரப் பகுதிகளில் இந்து முன்னணி சாா்பில் 28 இடங்களில் விநாயகா் சிலைகள் அமைக்கப்பட்டு வழிபாடு நடைபெற்றது.

இந்த நிைலையில், விநாயகா் சிலைகள் அனைத்தும் மதுரை சாலையில் உள்ள ராமகிருஷ்ணபுரம் ஆனந்த விநாயகா் கோயிலுக்கு வெள்ளிக்கிழமை எடுத்துவரப்பட்டு சிறப்பு பூஜைகள் நடைபெற்றன.

பின்னா், அங்கிருந்து விநாயகா் சிலைகள் ஊா்வலமாகக் கொண்டு செல்லப்பட்டு திருவண்ணாமலை கோனேரி குளம் கண்மாயில் கரைக்கப்பட்டன.

விநாயகா் சிலை ஊா்வலத்தில் விருதுநகா் காவல் கண்காணிப்பாளா் கண்ணன் தலைமையில், துணைக் காவல் கண்காணிப்பாளா் ராஜா, கூடுதல் துணைக் காவல் கண்காணிப்பாளா் சூரியமூா்த்தி ஆகியோரின் மேற்பாா்வையில் 400-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.