மின்வாரிய ஒப்பந்த தொழிலாளா்களை பணிநிரந்தரம் செய்ய வலியுறுத்தி ஆா்ப்பாட்டம்
விழுப்புரம் மாவட்டத்தில் 26 காவல் நிலைய எல்லைக்குள்பட்ட 38 இடங்களில் ஆா்ப்பாட்டங்கள், போராட்டங்கள் நடத்த இடம் தோ்வு செய்யப்பட்டுள்ளதாக ஆட்சியா் ஷே.ஷேக் அப்துல் ரஹ்மான் தெரிவித்தாா்.
அரசியல் கட்சிகள், சங்கங்கள் மற்றும் அமைப்புகள் சாா்பில் நடத்தப்படும் பொதுக்கூட்டங்கள், ஆா்ப்பாட்டங்கள், போராட்டங்கள், தெருமுனைப் பிரசாரங்கள் தொடா்பாக இடம் தோ்வு குறித்து அரசியல் கட்சிப் பிரதிநிதிகள் பங்கேற்ற ஆலோசனைக் கூட்டம் விழுப்புரம் ஆட்சியரகக் கூட்டரங்கில் செவ்வாய்க்கிழமை நடைபெற்றது.
கூட்டத்துக்குத் தலைமை வகித்து, ஆட்சியா் பேசியது: விழுப்புரம் மாவட்டத்தில் 28 காவல் நிலைய எல்லைகளில் போராட்டங்கள், ஆா்ப்பாட்டங்கள் நடத்துவதற்கும், 26 காவல் நிலைய எல்லைகளில் பொதுக்கூட்டங்கள் நடத்துவதற்கு 43 இடங்களும், 31 காவல் நிலைய எல்லைகளில் தெருமுனைப் பிரசாரக் கூட்டங்கள் நடத்துவதற்கு 94 இடங்களும் ஒதுக்கீடுசெய்யப்பட்டுள்ளன. 31 காவல் நிலைய எல்லைகளில் ஊா்வலப் பாதை இல்லை என முடிவு செய்யப்பட்டுள்ளது.
இதுகுறித்த விவரங்கள் வருவாய், காவல் துறை அலுவலா்கள் மூலம் சேகரிக்கப்பட்டு, ஒருங்கிணைக்கப்பட்டு இடம் தோ்வு செய்யப்பட்டுள்ளது. இதில் ஏதேனும் ஆட்சேபணை இருந்தால் ஒருவார காலத்துக்குள் தொடா்புடைய காவல் நிலையத்தில் தெரிவிக்கலாம். இடம் குறித்த விவரங்கள் அரசியல் கட்சிப் பிரதிநிதிகளுக்குத் தெரிவிக்கப்பட்டுள்ளது என்றாா் ஆட்சியா்.
கூட்டத்தில் மாவட்ட எஸ்.பி. ப.சரவணன், திண்டிவனம் சாா்-ஆட்சியா் அ.ல. ஆகாஷ், மாவட்ட ஆட்சியரின் நோ்முக உதவியாளா் (பொது) ராஜூ, விழுப்புரம் வருவாய்க் கோட்டாட்சியா் முருகேசன் மற்றும் அரசுத் துறை அலுவலா்கள், அரசியல் கட்சிகளின் பிரதிநிதிகள் உள்ளிட்டோா் பங்கேற்றனா்.
