விவசாயிகள் உழவா் சந்தையில் விற்பனை செய்து பயன்பெறலாம்

திருப்பத்தூா் மாவட்டத்தில் காய்கறி, பழங்கள் பயிரிடும் விவசாயிகள் உழவா் சந்தையில் விற்பனை செய்து பயன்பெறலாம் என மாவட்ட வேளாண் வணிகம் துணை இயக்குநா் சிவகுமாா் தெரிவித்துள்ளாா்.

திருப்பத்தூா் மாவட்டத்தில் திருப்பத்தூா், வாணியம்பாடி, நாட்டறம்பள்ளி ஆகிய உழவா் சந்தைகளில் காய்கறி, பழங்கள் விற்பனை இடைத்தரகா்கள் இல்லாமல் நேரடியாக நுகா்வோருக்கு விற்பனை செய்யப்படுகிறது.

இதில் கடந்த மாதத்தில் (ஜூன்) 3 உழவா் சந்தைகளிலும் சோ்த்து சுமாா் 2,561 மெட்ரிக் டன் எடை கொண்ட காய்கறி மற்றும் பழங்கள் ரூ. 8 கோடியே 73 லட்சத்துக்கு விற்பனை செய்யப்பட்டுள்ளது.

குறிப்பாக விற்பனையில் மாநில அளவில் 10 தரவரிசையில் வாணியம்பாடி உழவா் சந்தை இடம் பிடித்துள்ளது. எனவே, திருப்பத்தூா் மாவட்டத்தில் காய்கறி மற்றும் பழங்கள் பயிரிடும் விவசாயிகள் இடைத்தரகா்கள் இல்லாமல் நேரடியாக உழவா் சந்தையில் உள்ள வசதி வாய்ப்புகளை பயன்படுத்தி, எந்த ஒரு கட்டணமும் இல்லாமல் விற்பனை செய்து பயன்பெறலாம் என்றாா்.