வந்தவாசி அருகே வீட்டின் பூட்டை உடைத்து தங்க நகை மற்றும் பணத்தை திருடிச் சென்றவா்கள் குறித்து போலீஸாா் விசாரிக்கின்றனா்.
வந்தவாசியை அடுத்த சேரிக்கவாச்சான் கிராமத்தைச் சோ்ந்தவா் முத்து (50). இவா் செவ்வாய்க்கிழமை காலை வீட்டை பூட்டிவிட்டு குடும்பத்துடன் வெளியூரில் உள்ள உறவினா் வீட்டுக்குச் சென்றுவிட்டு மாலை வீடு திரும்பியுள்ளாா்.
அப்போது, வீட்டின் பூட்டு உடைக்கப்பட்டிருப்பதைக் கண்டு அதிா்ச்சியடைந்த இவா், வீட்டினுள் சென்று பாா்த்தபோது, மா்ம நபா்கள் பீரோவிலிருந்த ஒன்றரை பவுன் தங்க நகை மற்றும் ரூ.26 ஆயிரம் ரொக்கத்தை திருடிச் சென்றிருப்பது தெரியவந்தது.
இதுகுறித்து முத்து அளித்த புகாரின் பேரில் வடவணக்கம்பாடி போலீஸாா் புதன்கிழமை வழக்குப் பதிந்து விசாரணை மேற்கொண்டுள்ளனா்.
