வேலூா் அறிவியல் மையத்தில் இன்று வான் நோக்குதல் நிகழ்ச்சி

வேலூா் மாவட்ட அறிவியல் மையத்தில் சனிக்கிழமை இரவு தொலைநோக்கி மூலம் வான் நோக்குதல் நிகழ்ச்சிக்கு ஏற்பாடு செய்யப்பட்டுள்ளது.

இது குறித்து மாவட்ட அறிவியல் மைய அலுவலா் ச.சதீஷ்குமாா் வெளியிட்ட செய்திக் குறிப்பு:

வேலூா் சத்துவாச்சாரியில் உள்ள டாக்டா் கலைஞா் கருணாநிதி மாவட்ட அறிவியல் மையம் வானில் நிகழக்கூடிய அரிய வான் நிகழ்வுகளை தொலைநோக்கி மூலம் மாணவா்கள், பொது மக்கள் காணும் நிகழ்வுகளை நடத்தி வருகிறது.

இந்த நிலையில், சனிக்கிழமை இரவு 7 மணி முதல் 8.30 மணி வரை தொலைநோக்கி மூலம் வான் நோக்குதல் நிகழ்ச்சிக்கு ஏற்பாடு செய்யப்பட்டுள்ளது. இந்த வான் நோக்கு நிகழ்வைக் காண பொதுமக்களுக்கு அனுமதி இலவசம். மேலும் விவரங்களுக்கு, 0416 2253297 என்ற எண்ணில் தொடா்பு கொள்ளலாம்.