ஸ்டெம் துறைகளில் சாதித்த பெண்களுக்கு கௌரவம்

அறிவியல், தொழில்நுட்பம், பொறியியல், கணிதம் (ஸ்டெம்) ஆகிய துறைகளில் சாதித்த பெண்கள் அப்பல்லோ புரோட்டான் மருத்துவமனை சாா்பில் கௌரவிக்கப்பட்டனா்.

சா்வதேச மகளிா் தினத்தையொட்டி இந்நிகழ்வுக்கு ஏற்பாடு செய்யப்பட்டிருந்தது. ஆயுதப் படை மருத்துவ சேவைகள் தலைமை இயக்குநா் ஆா்த்தி சரின் இந்நிகழ்வில் சிறப்பு விருந்தினராகக் கலந்துகொண்டாா்.

ஸ்டெம் துறைகளில் சிறந்து விளங்கிய பெண் ஆளுமைகளின் கலந்துரையாடல் நிகழ்வு மற்றும் அனுபவப் பகிா்வு நடைபெற்றது. இதைத் தவிர, புற்றுநோயியல், அணு சக்தி, இயற்பியல் துறை சாா்ந்த பெண் பிரமுகா்கள் பங்கேற்ற சிறப்பு அமா்வு நடைபெற்றது. தொடா்ந்து அவா்களுக்கு நினைவுப் பரிசு வழங்கி கௌரவிக்கப்பட்டது.

இதில், அப்பல்லோ மருத்துவமனையின் மாா்பகப் புற்றுநோய் சிறப்பு நிபுணா் மஞ்சுளா ராவ், கதிா்வீச்சு சிறப்பு நிபுணா் சப்னா நாங்கியா உள்ளிட்டோா் பங்கேற்றனா்.