ஸ்ரீபுரம் தங்கக்கோயில் இயக்குநருக்கு விருது

ஸ்ரீபுரம் தங்கக்கோயில் இயக்குநா் எம். சுரேஷ் பாபுவுக்கு சேவா ரத்னா விருது வழங்கப்பட்டது.

ஸ்ரீசக்தி அம்மாவின் ஆசியுடன் வேலூா் ஸ்ரீபுரம் ஸ்ரீநாராயணி பீடம் தங்கக்கோயில் இயக்குநரும், அறங்காவலருமான சுரேஷ் பாபுவின் சமூக சேவைகளை பாராட்டி சேவா ரத்னா விருது வழங்கும் விழா ஞாயிற்றுக்கிழமை நடைபெற்றது.

சிறப்பு விருந்தினா்களாக விஐடி பல்கலைக்கழக வேந்தா் கோ.விசுவநாதன், ரோட்டரி மாவட்ட கவுன்சிலா் அபிராமி ராமநாதன் ஆகியோா் கலந்து கொண்டு விருதினை வழங்கினா்.

தொடா்ந்து, விஐடி துணைத்தலைவா் ஜி.வி.செல்வம், வேலூா் சட்டப்பேரவை உறுப்பினா் ப.காா்த்திகேயன், அனைத்து ரோட்டரி சங்கங்களின் தலைவா்கள், அனைத்து வியாபாரிகள் சங்கங்களின் பொறுப்பாளா்கள் வாழ்த்திப் பேசினா்.

ஏற்பாடுகளை வேலூா் ரோட்டரி மாவட்ட ஆளுநா் வி.சுரேஷ், தலைமுறை பேரவை தலைவா் சீனிவாசன், வேலூா் கோட்டை நடைபயில்வோா் சங்கத் தலைவா் சம்பத் உள்ளிட்டோா் செய்திருந்தனா்.