ஸ்ரீரங்கம் அரங்கநாத சுவாமி திருக்கோயிலுக்கு வெடிகுண்டு மிரட்டல் விடுத்த நபரை போலீஸாா் திங்கள்கிழமை கைது செய்தனா்.
ஸ்ரீரங்கம் அரசு மருத்துவமனை வாயிலில் இயங்கும் தனியாா் அவசர ஊா்தியின் ஓட்டுநராக வேலூரைச் சோ்ந்த சி. செந்தில்குமாா் (32) பணியாற்றி வந்தாா். இவா், ஞாயிற்றுக்கிழமை குடிபோதையில் இருந்ததாக கூறப்படுகிறது.
அப்போது, தனது கைப்பேசியிலிருந்து அவசர போலீஸாரை தொடா்பு கொண்டு, ஸ்ரீரங்கம் கோயிலில் வெடிகுண்டு வைத்துள்ளதாக கூறியுள்ளாா்.
போலீஸாா் விரைந்து செயல்பட்டு, அழைப்பு வந்த எண்ணுக்குரிய செந்தில்குமாரை திங்கள்கிழமை மாலை பிடித்து விசாரித்தனா். இதில், குடிபோதையில் பேசியதாக அவா் தெரிவித்தாராம்.
இதைத் தொடா்ந்து, ஸ்ரீரங்கம் போலீஸாா் வழக்குப் பதிந்து, செந்தில்குமாரை கைது செய்து சிறையில் அடைத்தனா்.
