ஹாக்கி: செகந்திராபாத், பெங்களூா், புதுதில்லி அணிகள் வெற்றி

தூத்துக்குடி மாவட்டம் கோவில்பட்டியில் நடைபெற்று வரும் லட்சுமி அம்மாள் நினைவு கோப்பைக்கான 14ஆவது அகில இந்திய ஹாக்கி போட்டியில், 4ஆவது நாளான திங்கள்கிழமை நடைபெற்ற லீக் ஆட்டத்தில் செகந்திராபாத், பெங்களூா், புதுதில்லி அணிகள் வெற்றி பெற்றன.

திங்கள்கிழமை நடைபெற்ற முதல் ஆட்டத்தில் சென்னை இந்தியன் வங்கி அணியும், செகந்திராபாத் தெற்கு மத்திய ரயில்வே அணியும் மோதியதில் 1-க்கு 0 என்ற கோல் கணக்கில் செகந்திராபாத் அணி வெற்றி பெற்றது. மாலை நடைபெற்ற 2ஆவது ஆட்டத்தில் சென்னை இன்டக்ரல் கோச் ஃபேக்டரி அணியும், பெங்களூா் ஹாக்கி கா்நாடகா அணியும் மோதியதில் 5-க்கு 0 என்ற கோல் கணக்கில் பெங்களூா் அணி வெற்றி பெற்றது. 3 ஆவது ஆட்டத்தில் புதுதில்லி மத்திய நேரடி வரிகள் வாரிய அணியும், சென்னை தமிழ்நாடு போலீஸ் அணியும் மோதியதில் 4க்கு 2 என்ற கோல் கணக்கில் புதுதில்லி அணி வெற்றி பெற்றது. 4ஆவது ஆட்டத்தில் மும்பை மத்திய ரயில்வே அணியும், பெங்களூா் கனரா வங்கி அணியும் மோதியதில் -க்கு என்ற கோல் கணக்கில் அணி வெற்றி பெற்றது.

இன்றைய ஆட்டம்: 5- ஆவது நாளான செவ்வாய்க்கிழமை காலை 7 மணிக்கு நடைபெறும் முதல் ஆட்டத்தில் சென்னை வருமான வரி ஹாக்கி அணியும், சென்னை தமிழ்நாடு லெவன் ஹாக்கி அணியும் மோதுகின்றன. மாலை 5 மணிக்கு நடைபெறும் 2ஆவது ஆட்டத்தில் புதுதில்லி பஞ்சாப் நேஷனல் வங்கி அணியும், புவனேஸ்வா் நிஸ்வாஸ் ஹாக்கி கழக அணியும் மோதுகின்றன.

3ஆவது ஆட்டத்தில் சென்னை அக்கவுண்டன்ட் ஜெனரல் அலுவலக ரெக்கிரியேஷன் கிளப் ஹாக்கி அணியும், மும்பை யூனியன் வங்கி அணியும் மோதுகின்றன. 4ஆவது ஆட்டத்தில் கோவில்பட்டி எஸ்டிஏடி எக்ஸலன்ஸ் ஹாக்கி அணியும், கா்நாடகா ஹாக்கி பெல்லாரி அணியும் மோதுகின்றன.