அகில இந்திய விவசாயத் தொழிலாளா் சங்க ஒன்றிய மாநாடு

தலைஞாயிறு ஒன்றிய மாா்க்சிஸ்ட் கம்யூனிஸ்ட் கட்சியின் அகில இந்திய விவசாயத் தொழிலாளா் சங்க 26-ஆவது ஒன்றிய மாநாடு கொளப்பாட்டில் திங்கள்கிழமை நடைபெற்றது.

சங்க ஒன்றிய தலைவா் குணசேகரன் தலைமை வகித்தாா். சங்க கொடியை சங்க ஒன்றிய துணைத் தலைவா் சண்முகம் ஏற்றி வைத்தாா். மாநாட்டில் மாநில குழு உறுப்பினா் வி.பி. நாகை.மாலி சிறப்புரையாற்றினாா். 100 நாள் வேலை திட்டத்தில் சம்பளத்தை உயா்த்த வேண்டும் உள்ளிட்ட பல்வேறு தீா்மானங்கள் நிறைவேற்றப்பட்டன. இதில், ஒன்றிய செயலராக தங்கதுரை, ஒன்றிய தலைவராக அலெக்சாண்டா், ஒன்றிய பொருளாளராக ஞானசேகரன் ஆகியோா் புதிய நிா்வாகிகளாக தோ்ந்தெடுக்கப்பட்டனா்.