அங்கன்வாடி மையங்களில் குழந்தைகளை சோ்க்க அழைப்பு

விழுப்புரம் மாவட்டத்திலுள்ள அங்கன்வாடி மையங்களில் ஜூன் மாதம் முதல் குழந்தைகள் சோ்க்கை தொடங்குகிறது. எனவே பெற்றோா் தங்கள் குழந்தைகளை இந்த மையங்களில் சோ்த்து பயன்பெறலாம் என்று அறிவிக்கப்பட்டுள்ளது.

இதுகுறித்து விழுப்புரம் மாவட்ட ஆட்சியா் ஷே.ஷேக் அப்துல் ரஹ்மான் வெள்ளிக்கிழமை வெளியிட்ட செய்திக்குறிப்பு:

விழுப்புரம் மாவட்டத்தில் ஒருங்கிணைந்த குழந்தை வளா்ச்சிப் பணிகள் திட்டத்தின் மூலம், 6 வயதுக்குள்பட்ட குழந்தைகளின் வளா்ச்சியை மேம்படுத்த 1,741 அங்கன்வாடி மையங்களில் சத்து மாவு, ஊட்டச் சத்துடன் கூடிய கலவை உணவு மற்றும் முன்பருவக் கல்வி வழங்கப்படுகிறது.

குறிப்பாக 2 வயது முதல் 5 வயதுக்குள்பட்ட குழந்தைகளுக்கு அங்கன்வாடி மையங்களில் முறைசாரா முன்பருவக் கல்வி செய்கை பாடல், கதை, விளையாட்டு, கல்வி உபகரணங்கள் மூலம் வழங்கப்பட்டு வருகிறது. குழந்தைகளின் உடல், மொழி, மனம், சமூகம், அறிவு வளா்ச்சிக்குத் தேவையானவற்றை ஆடிப்பாடி- விளையாடு பாப்பா என்னும் சிறப்புப் பாடத்திட்டத்துடன் 12 மாதங்களுக்கும் வழங்கப்படுகிறது.

மேலும் குழந்தைகளின் வளா்ச்சி கண்காணிக்கப்பட்டு, பள்ளிச் செல்ல ஆயத்தப்படுத்தப்படுகின்றனா். அங்கன்வாடிப் பணியாளா்கள் வீடுதோறும் சென்று குழந்தைகளைப் பள்ளியில் சோ்க்கும் பணிகளை மேற்கொண்டு வருகின்றனா். அங்கன்வாடி மையங்களில் ஜூன் மாதம் முதல் குழந்தைகள் சோ்க்கை தொடங்குகிறது. எனவே பெற்றோா் தங்களின் 2 முதல் 6 வயதுக்குள்பட்ட குழந்தைகளை அங்கன்வாடி மையத்தில் தவறாமல் சோ்த்து பயன்பெற வேண்டும்.

மேலும் அங்கன்வாடி மையங்களில் குழந்தைகளுக்கான ஆதாா் அட்டை வழங்கும் பணி நடைபெறுவதால் அதையும் பயன்படுத்திக் கொள்ள வேண்டும் என்று தெரிவித்துள்ளாா்.